Ściah Jaŭrejskaj aŭtanomnaj vobłaści pravieryli na hiej-prapahandu
23.10.2013 / 10:31
U Rasii Hieraldyčnaja rada pry prezidencie pravieryła ściah Jaŭrejskaj aŭtanomnaj vobłaści na najaŭnaść u im prapahandy homaseksualizmu.
Padstavaj staŭ zvarot «pilnaj žycharki», jakaja ŭhledzieła padabienstva pamiž ściaham JAAV ź siami haryzantalnych pałosaŭ koleraŭ viasiołki i viasiołkavym ściaham ŁHBT-supolnaści.
Hieraldyčnaja kamisija ŭ svaim aficyjnym adkazie kanstatavała adsutnaść jakich-niebudź pryznakaŭ hiej-prapahandy ŭ ściahu i patłumačyła,
što nie kožnaja vyjava viasiołki jeść hiej-prapahandaj.
Da taho ž ekśpierty adznačyli, što ściah JAAV utrymlivaje na adnu pałasu bolej za standartny varyjant viasiołkavaha ŁHBT-ściaha.
Masavaja pravierka na najaŭnaść hiej-prapahandy vyjavaŭ ź viasiołkaju pačałasia paśla pryniaćcia zakona ab supraćdziejańni prapahandzie homaseksualizmu siarod niepaŭnaletnich.
Jaŭrejskaja aŭtanomnaja vobłaść była na Dalokim Uschodzie zasnavanaja ŭ 1934 hodzie jak miesca pražyvańnia savieckich jaŭrejaŭ. Ściah JAAV byŭ zaćvierdžany ŭ 1996 h.