U mastaka Alesia Puškina praviali pieratrus
Niekalki hadzin ahladali chatu j inšyja pabudovy na siadzibie mastaka — łaźniu, chleŭ i sklep.
09.07.2013 / 19:01
9 lipienia Alesia Puškina vyklikali ŭ Krupski RAUS, dzie jon čarhovy raz daŭ pakazańni. Paśla hetaha razam sa śledčaj Irynaj Karatkievič, majoram u cyvilnym i ŭčastkovym Rohavym Puškin pajechaŭ dla pieratrusu na svaju siadzibu.
Supracoŭniki pravaachoŭnych orhanaŭ zabrali z sklepa 25 litraŭ krupniku, jaki zastaŭsia paśla Kupalla, a taksama butlu, ź jakoj jon vylivaŭ śpirt, i čan, u jakim hatavaŭsia napoj.
Aleś skazaŭ radyjo «Svaboda», što pakul nia viedaje pra svoj status — ci jon abvinavačany, ci padazravany. U milicyi jamu patłumačyli, što śpiarša dapytajuć paciarpiełych.
10 lipienia Puškin źbirajecca na pracu ŭ Synkavickuju carkvu.
Padčas śviatkavańnia Kupalla ŭ noč z 6 na 7 lipienia na padvorku mastaka Alesia Puškina zdaryŭsia niaščasny vypadak, ad jakoha paciarpieli 5 čałaviek.