Kataliki siońnia śviatkujuć uračystaść Najśviaciejšaha Cieła i Kryvi Chrysta
30.05.2013 / 15:17
30 maja Katalicki Kaścioł śviatkuje ŭračystaść Najśviaciejšaha Cieła i Kryvi Chrysta. Jana adznačajecca ŭ čaćvier paśla ŭračystaści Najśviaciejšaj Trojcy, bo ŭ Vialiki čaćvier Chrystos ustanaviŭ sakrament Eŭcharystyi.
Raspaŭsiudžanaja nazva ŭračystaści Najśviaciejšaha Cieła i Kryvi Chrysta — Božaje Cieła. U celebracyi hetaj uračystaści Kaścioł składaje padziaku Zbaŭcu za dar Najśviaciejšaha Sakramentu, u jakim Jon sam prabyvaje sa svaim narodam.
U hety dzień abo ŭ nastupnuju paśla jaho niadzielu adbyvajecca pracesija, u jakoj Najśviaciejšy Sakrament z pašanaju niasuć pa vulicach haradoŭ i viosak. U Minsku pracesija Božaha Cieła prachodziła sioleta 26 maja.