Namieśnika načalnika kijeŭskaj milicyi zvolnili za bojku na mitynhu

30.05.2013 / 14:10

Paśla padziej 18 maja ŭ Kijevie zvolnieny Alaksandr Paślon — kiraŭnik milicyi hramadskaj biaśpieki ŭ Kijevie,

Va ŭkrainskaj milicyi adznačyli: «Namieśnik načalnika Hałoŭnaha ŭpraŭleńnia MUS u horadzie Kijevie — načalnik milicyi hramadskaj biaśpieki Alaksandr Paślon, jaki zabiaśpiečvaŭ rasstanoŭku pazicyj i kaardynavaŭ dziejańni naradaŭ milicyi padčas masavych hramadskich mierapryjemstvaŭ 18 maja ŭ Kijevie, vyzvaleny ad pasady».

Akramia taho, pa vynikach słužbovaj pravierki 15 supracoŭnikaŭ milicyi pryciahnutyja da dyscyplinarnaj adkaznaści za biaździejnaść padčas padziejaŭ 18 maja ŭ Kijevie.

18 maja adbyŭsia mitynh apazicyi «Ustavaj, Ukraina!», što supravadžałasia bojkami, byli taksama źbityja žurnalisty.