МЗС правяло круглы стол па законе «Аб беларусах замежжа»… без «Бацькаўшчыны»
23 мая ў ведамстве сп.Макея прайшло абмеркаванне праекта закон ад суайчыннікаў замежжа.
24.05.2013 / 13:26
«Наша Ніва» звярнулася ў Згуртаванне беларусаў свету «Бацькаўшчына» па каментар адносна гэтага. Аказалася, прадстаўнікі арганізацыі, што гуртуе беларускую дыяспару, на міністэрскім круглым стале не прысутнічалі. Прычына: іх запрасілі ў дзень круглага стала, так, што паспець на пасяджэнне было ўжо немагчыма.
«Але мы рады, што справа зрушылася», — дыпламатычна адзначыла кіраўніца «Бацькаўшчыны» Алена Макоўская.«Бацькаўшчына» ад 2001 года лабіравала прыняцце такога закона.
У самім МЗС па выніках круглага стала адзначылі, што «Беларусь не будзе дзяліць беларусаў замежжа па палітычных прынцыпах». Тым не менш, звяртае ўвагу, што да абмеркавання міністэрства прыцягнула толькі лаяльных да сённяшняй дзяржаўнай палітыкі асобаў.
Праект закона мае рамкавы, праграмны характар. Дакумент мае засведчыць увагу дзяржавы да суродзічаў у іншых краінах.У часе паседжання было абазначана, што «Беларусь разглядае беларусаў замежжа як неад’емную частку беларускага народа», — заявілі ў МЗС.
Этнічныя беларусы або беларускамоўныя кампактна жывуць на Падляшшы і Віленшчыне. Беларусы Смаленшчыны і Браншчыны за ХХ ст. практычна страцілі сваю этнічную і моўную адметнасць.Беларуская дыяспара Расіі, Украіны, ЗША і Заходняй Еўропы сфармавалася ў выніку палітычнай і эканамічнай эміграцыі ХХ ст., а таксама з ліку дэпартаваных з Беларусі савецкімі ўладамі.
Актыўныя беларускія суполкі дзейнічаюць у Вільні (Літва), Беластоку, Гайнаўцы, Бельску, Варшаве, Гданьску, Кракаве, Уроцлаве (Польшча),