Na Čudziancova paskardzilisia ŭ Kamisiju pa etycy BAŽ
Skarha nijak nie źviazana z apošnim skandałam vakoł žurnalista, a tyčycca adnoj ź jaho publikacyj na partale Tut.by.
04.03.2013 / 11:21
Havorka idzie pra artykuł «Pjany sabakavod natraviŭ bajcovaha psa na žančynu z šarpiejem» ad 5 studzienia 2013 h.
Zajaŭnik — Ryhor Zilbier — padkreślivaje, što ni sam epizod, ni stupień vinavataści ŭdzielnikaŭ jaho nie chvaluje, a tolki sposab padačy infarmacyi žurnalistam.
Dalej jon padrabiazna analizuje artykuł, spyniajučysia na tych cytatach, jakija, pa jaho mierkavańni,
manipulujuć śviadomaściu čytača z metaj nastroić jaho peŭnym čynam (spačuvać adnamu z kanfliktujučych bakoŭ i asudžać inšy).
Aŭtar zajavy siarod inšaha pryvodzić bahata vytrymak z Kodeksu žurnalisckaj etyki HA «BAŽ» i navat z zakona «Ab supraćdziejańni ekstremizmu»,
a taksama padaje cytaty z abmierkavańnia artykułu na forumie Tut.by, jakija majuć zaśviedčyć, što publikacyja raspaliła ŭ čytačach ahresiju.