Pa roście cenaŭ Biełaruś pa-raniejšamu pieršaja

31.01.2013 / 09:45

Pa roście spažyvieckich cen u 2012 hodzie Biełaruś, jak i hodam raniej, zaniała pieršaje miesca siarod krain byłoha SSSR.

Letaś pavieličeńnie cen skłała ŭ Biełarusi 21,8% (u 2011-m — 108,7%).
Dalej iduć Kyrhyzstan — 7,5% (5,7%), Rasija — 6,6% (6,1%), Tadžykistan — 6,4% (9,3%), Kazachstan — 6% (7,4%), Turkmienistan — 5,3% (5,3%), Małdova — 4,1% (7,8%), Estonija — 3,5% (3,7%), Armienija — 3,2% (4,7%), Litva — 2,8% (3,4%), Łatvija — 1,6% (4%).

Va Ukrainie ceny źnizilisia na 0,2% (+4,6%), u Azierbajdžanie — na 0,3% (+5,4%), u Hruzii — na 1,4% (+2%). Danyja pa Uźbiekistanie pakul niedakładnyja: rost cen skłaŭ «mienš za 7%" (2011 hod — 7,6%).

U śniežni 2012 hoda Biełaruś z 1,4% była treciaj pa roście cen paśla Armienii (2,1%) i Kyrhyzstana (1,5%). Za imi raźmiaścilisia Azierbajdžan (0,7%), Kazachstan (0,6%), Małdova, Rasija (pa 0,5%), Ukraina (0,2%) i Tadžykistan (0,1%). Nie źmianilisia ceny ŭ Łatvii, źnizilisia ŭ Litvie, Estonii (pa 0,1%) i Hruzii (0,3%). Niama źviestak pa Turkmienistanie i Uźbiekistanie.

U samaabvieščanaj Prydniastroŭskaj Małdaŭskaj Respublicy rost cen u śniežni skłaŭ 0,8%, pa vynikach hoda — 10,4% (u 2011-m — 16%).