«Słavianski marš»: arhanizatar pakarany štrafam
16 studzienia Leninski sud Mahilova pakaraŭ arhanizatara «Słavianskaha maršu» Dźmitryja Dzienisienku na tryccać bazavych vieličyniaŭ — try miljony rubloŭ.
16.01.2013 / 15:40
Dazvoleny ŭładami «Marš» adbyŭsia ŭ Mahilovie 25 listapada. U mitynhu na stadyjonie na vulicy Čaluskincaŭ udzielničała kala piacidziesiaci čałaviek. Akramia milicyi arhanizatar mierapryjemstva apłaciŭ pasłuhi miedykam i kamunalnikam.
Dźmitryj Dzienisienka
Sudździa Taćciana Rubis pryznała prychilnika idei słavianskaha adzinstva vinavatym u parušeńni zakonu «Ab masavych mierapryjemstvach». Padčas «Maršu» jaho ŭdzielniki chavali tvary maskami, što zabaraniajecca zakonam.
Jak stała viadoma na sudzie, parušeńnie zakona «Ab masavych mierapryjemstvach» milicyjanty vyjavili padčas prahladu videamateryjałaŭ.
Dzienisienka svajoj viny nie pryznaŭ. Jon taksama źvinavaciŭ sudździu ŭ nieabjektyŭnym razhladzie spravy:
«Rašeńnie sudździ ja liču palityčna zamoŭlenym. Ja źviazvaju jaho z ahulnaj situacyjaj u Biełarusi pa prysiačeńni luboj hramadska-palityčnaj aktyŭnaści».