Rasija prapanavała pabudavać u Astraŭcy treci atamny enierhabłok

Łukašenka zajaviŭ, što hatovy budavać u Biełarusi i druhuju AES.

21.12.2012 / 17:20

«Ja b chacieŭ i druhuju AES pabudavać u Biełarusi», — zajaviŭ Alaksandr Łukašenka na sustrečy sa studentami i vykładčykami Biełaruskaha dziaržaŭnaha ŭniviersiteta infarmatyki i radyjoelektroniki.

Pavodle jaho słoŭ, budaŭnictva AES daść vialikuju ekanomiju srodkaŭ, jakija ciapier zatračvajucca na impart enierharesursaŭ, paviedamlaje dziaržaŭnaje ahienctva BiełTA.

Kali sioleta Biełaruś spažyvie prykładna 22 młrd.kub.m hazu, to paśla ŭźviadzieńnia svajoj AES Biełaruś zmoža admovicca ad impartu 5 młrd.kub.m hazu, adznačyŭ Łukašenka.

Pavodle słoŭ biełaruskaha kiraŭnika, rasijanie, kali daviedalisia pra jaho žadańnie pabudavać druhuju AES, skazali, što hatovyja pabudavać na ciapierašniaj stancyi-novabudoŭli treci enierhabłok (ciapier na biełaruskaj AES u Astraŭcy płanujecca ŭźviadzieńnie dvuch enierhabłokaŭ).

* * *

Pad budaŭnictva AES Rasija vydzialaje Biełarusi lhotny dziaržkredyt u pamiery da $10 miljardaŭ terminam na 25 hadoŭ.