U Pinsku 20-hadovy pacyjent vykałaŭ doktaru voka

19.12.2012 / 20:53

Incydent adbyŭsia dva dni tamu ŭ Pinskaj centralnaj balnicy.

Infarmacyju nam paćvierdziŭ hałoŭny doktar balnicy Viktar Asačuk. Pa jaho słovach, pacyjent sapraŭdy byŭ u stanie ałkaholnaha apjanieńnia. 20-hadovy chłopiec prybyŭ u balnicu razam sa svaimi aboima baćkami. I ŭsie troje byli pjanymi.

— U pacyjenta była raźbitaja hałava, i lekar akazaŭ jamu miedycynskuju dapamohu. Adnak apaśla chłopiec pačaŭ razmazvać kroŭ pa ściency. Doktar zrabiŭ jamu zaŭvahu, za što atrymaŭ traŭmu vostrym pradmietam u voka, — patłumačyŭ nam Viktar Asačuk.

— Kali acanić stan doktara miedycynskimi słovami-to jaho možna nazvać «zdavalniajučym». Ale ci budzie jaho voka paśla lačeńnia bačyć — heta jašče vialikaje pytańnie. Mahčyma, što i nie…

U Pinskim HAUS prakamientavać situacyju nam admovili.