Пасля неаднаразовых скаргаў Яўгена Васьковіча на тое, што да яго не даходзяць лісты, яго бабруйскія сябры і калегі вырашылі зладзіць своеасаблівую праверку. Нагадаем, што былы працадаўца хлопца, рэдактар газеты «Бабруйскі кур’ер» Анатоль Санаценка, звяртаўся з гэтай жа нагоды ў грамадскую назіральную камісію Галоўнага ўпраўлення юстыцыі Магілёўскага аблвыканкама.
-Я вельмі доўга не атрымлівала лістоў ад Яўгена, і вось, нядаўна адзін прыйшоў, — кажа бабруйская грамадская актывістка Галіна Смірнова. — Але іншыя дасюль скардзяцца, што лісты не прыходзяць. Мы вырашылі праверыць у мясцовых масштабах, як ідзе гэтае ліставанне. Мы сабраліся з сябрамі і калегамі Васьковіча, і напісалі яму адразу шмат лістоў, яны павінны дайсці да яго прыблізна ў адзін час. Потым звернемся да яго бабулі Тамары Уладзіміраўны, каб расказала, ці дайшлі нашыя вестачкі да адрасата.
Галіна Смірнова кажа, што далучыцца да гэтай акцыі пажадалі нават людзі, каторыя не ведаюць асабіста Яўгена.
— Калі людзі даведваюцца, што ёсць праблемы з перапіскай, выказваюць жаданне падтрымаць хлопца, і адправіць яму ліст. Спадзяемся, што да нас далучыцца шмат людзей. Вельмі не хочацца каб Жэня адчуваў там сябе забытым, — кажа бабруйская актывістка.
* * *
Яўген Васьковіч, 212011, г. Магілёў, вул. Крупскай, 99 а, турма № 4.
-
Аўтаслесар, афіцыянт, танцор у Тайландзе, ролі ў «Мухтары» і «Сватах». Пяць фактаў пра новага міністра культуры Чарнецкага
-
«Схапілі і панеслі. Некалькі разоў паспелі ўдарыць». Беларус расказаў пра сваё затрыманне ў Грузіі
-
Ціханоўская: Мы не павінны дазволіць дыктатарам пасварыць беларусаў і літоўцаў
Аўтаслесар, афіцыянт, танцор у Тайландзе, ролі ў «Мухтары» і «Сватах». Пяць фактаў пра новага міністра культуры Чарнецкага3
Каментары