Спорт1111

Бацькі Дзмітрыя Рака вязуць сына на лячэнне за свой кошт

Фрыстайлісту, цяжка траўмаванаму 5 гадоў таму, дагэтуль патрэбная дапамога.

5 гадоў таму абарвалася спартовая кар’ера Дзмітрыя Рака. Падчас трэніроўкі на этапе Кубка свету ў кітайскім горадзе Цзілінь 30-гадовы беларускі фрыстайліст упаў і атрымаў цяжкую траўму галавы і шыі.

Па словах маці Дзмітрыя, узнаўленне спартсмена працягваецца дагэтуль.

«Ну, што пра гэта казаць? Не ведаю, — уздыхае Лідзія Рак. — Нам трэба лячыцца, узнаўляцца. Мы зараз нічога казаць не будзем, мы едзем з Дзімам на лячэнне».

Лячэбны курс працягнецца месяц. Па словах Лідзіі Рак, сям’я Дзмітрыя аплаціла яго самастойна.

«Ён не ідзе на папраўку, — распавядае сябра Дзмітрыя Рака, славуты беларускі фрыстайліст Аляксей Грышын. — Але бацька яго не хоча пра гэта размаўляць, і маці таксама».

Па словах Грышына, апошнім часам бацькі Рака засталася амаль без дапамогі.

Летась фрыстайліст на свой страх і рызыку зладзіў акцыю «Георгіеўская стужка», прыбыткі ад якой мусілі пайсці ў фонд дапамогі спартоўцам-інвалідам.
23 лютага 2011 года чорна-аранжавыя стужкі з’явіліся ў крамах па ўсёй Беларусі. Але беларусы не пажадалі іх набываць. «Акцыя спрацавала ў вялікі мінус. Яшчэ і я згубіў грошы… На жаль, людзі набылі не вельмі шмат стужак. А дакладней, вельмі няшмат. На гэты момант я страціў прыкладна 20 тысяч долараў. Лепш бы я аддаў гэтыя грошы Дзіме».

Грышын пакуль што не збіраецца спыняць акцыю і спадзяецца, што людзі ўсё ж такі падтрымаюць спартсменаў, якія ахвяравалі здароўем для высокіх спартовых дасягненняў нашай краіны.

У адказ на пытанне: калі вы апошні час клапаціліся пра здароўе Дзмітрыя Рака — ад фрыстайлістаў і трэнераў найчасцей чуеш прыслоўе «на жаль».

«Я доўгі час ужо, на жаль, не сустракаўся з ім і не размаўляў. Забегаўся тут… Ды і вядзем мы зараз падрыхтоўку да сур’ёзных мерапрыемстваў. А можа, і варта было б лішні раз пацікавіцца, як там…», — сумеўся трэнер нацыянальнай каманды фрыстайлістаў Анатоль Пастухоў.

Рэдка заглядае да Дзмітрыя Рака і Аляксей Грышын:

«У мяне, на жаль, не часта атрымліваецца з ім бачыцца. Па-першае, я ўвесь час у раз’ездах. А па-другое, гэта невыносна — бачыць яго ў такім стане. Псіхалагічна — вельмі складана. Мы стэлефаноўваліся. І я магу сказаць, што… Не адчувае ён сябе добра».

Па словах Грышына, цяжкае і страшнае ўражанне гісторыя Дзмітрыя Рака робіць на маладых спартоўцаў:

«На жаль, у нас вось так. Я не ведаю, куды глядзяць чыноўнікі. Яны ж разумеюць, што навокал адны спартоўцы. Тыя, хто спортам прафесійна займаецца, усё гэта бачаць. І разумеюць, што, не дай Божа, з кожным можа нешта адбыцца. І такое ж стаўленне будзе да іх таксама… Ведаеце, як гэта бывае: балалайка калі грае — усё добра. А калі струна парвалася — яе ў бок адклалі, і новую ўзялі…

Вось у мяне зараз праблема са спінай. І калі я апошні раз звярнуўся ў Міністэрства спорту і турызму, каб мяне накіравалі на лячэнне на Нарач, мне адказалі прыкладна наступнае:

«Дык ты ж заробак атрымліваеш! Гэта адмыслова табе на лекі, на лячэнне».

Па словах Анатоля Пастухова, які сумяшчае трэнерскую працу з пасадай сакратара Федэрацыі фрыстайла, нейкая дапамога ад дзяржавы Дзмітрыю Раку ўсё ж паступае. Апошнія дакументы на гэты конт ён бачыў увосень.

Каментары11

Што вядома пра грамадзяніна Германіі Рыка Крыгера, якому ў Беларусі прысудзілі расстрэл16

Што вядома пра грамадзяніна Германіі Рыка Крыгера, якому ў Беларусі прысудзілі расстрэл

Усе навіны →
Усе навіны

Як трансгендар абваліў продажы самага папулярнага амерыканскага піва14

Ілан Маск жорстка высмеяў Microsoft за глабальны IT-збой5

Святлана Ціханоўская сустрэлася з Віктарам Орбанам20

Не рабіце гэтую памылку ў захоўванні хлеба4

Назіраецца маштабны збой электронікі па ўсім свеце. Аэрапорты адмяняюць палёты12

Калабаранты з Запарожскай вобласці выдаюць сустрэчу з прамаскоўскім беларускім актывістам Лушчом за афіцыйны візіт1

За два з паловай гады на мяжы Беларусі і ЕС загінулі 126 мігрантаў2

Хутка суд над мужчынам з «тэрарыстычнага спісу». Верагодна, справа тычыцца каментароў, але яму пагражае да 12 гадоў

Ігар Случак напісаў рэзкі каментар пра рускамоўных беларусаў. Не вытрымаў нават Пазняк114

больш чытаных навін
больш лайканых навін

Што вядома пра грамадзяніна Германіі Рыка Крыгера, якому ў Беларусі прысудзілі расстрэл16

Што вядома пра грамадзяніна Германіі Рыка Крыгера, якому ў Беларусі прысудзілі расстрэл

Галоўнае
Усе навіны →