Грамадства11

Дзяржава будзе працягваць укладваць сродкі ў адраджэнне пацярпелых ад чарнобыльскай катастрофы раёнаў

Пра гэта заявіў журналістам Аляксандр Лукашэнка 26 красавіка падчас рабочага візіту ў Нароўлю (Гомельская вобласць), паведаміла яго прэс-служба.

«Многія сёння крычаць: трэба ўцякаць, кідаць. Узнікае пытанне: а каму? Хто будзе гэты край адраджаць? — сказаў ён. — Хто гэта будзе рабіць, калі не мы?»

Лукашэнка падкрэсліў, што гэтыя землі будуць адроджаны, і дзяржава будзе накіроўваць на гэта рэсурсы. «Мы ўжо не пераадольваем чарнобыльскую катастрофу, мы ўжо тут не ратуем людзей — мы адраджаем гэты край», — сказаў ён.

Ён асабліва адзначыў, што дзяржава ўжо ўклала каласальныя грошы пры рэабілітацыі пацярпелых раёнаў, і гэта ацэнена людзьмі. «Украінцы і расіяне кажуць: нам бы ваш парадак і дысцыпліну і нам бы зрабілі тое, што ў Беларусі пасля чарнобыльскай трагедыі. Вось яна — ацэнка людзей», — падкрэсліў Лукашэнка.

Паводле яго слоў, у свой час уладу крытыкавалі за гэтую працу з-за неразумення або спалоху. «Аснова цяперашняй пятай калоны фарміравалася тады. Гэта была іх палітыка. Сёння ўжо спецыялісты кажуць, што гвалт быў узняты з такой сілай, што праз некалькі гадоў пасля Чарнобыля яшчэ больш зямлі вывелі з севаабароту. Вёскі адсялілі, а потым схамянуліся, што дарэмна», — сказаў ён.

«Час паказвае, што мы зрабілі правільна. І сёння адно з пытанняў, якое ставіцца: вельмі доўгая бюракратычная цяганіна па адраджэнні зямель. Але губернатары атрымаюць паўнамоцтвы па пераразмеркаванні грашовых сродкаў і ў плане тэрытарыяльнага асваення і адраджэння гэтых зямель», — адзначыў ён.

Паводле слоў Лукашэнкі, сёння ў гэты рэгіён не баіцца ісці і прыватны бізнес. Сёлета прыкладна 5% бюджэту Нароўля атрымае ад прыватніка. «Што, прыватніка загоніш кудысьці? Не. Прыватнік прыходзіць сюды сам, адкрывае вытворчасць», — сказаў ён.

Ён лічыць, што «адносна чыстыя» ўчасткі адселенай зоны могуць быць адкрыты для кароткачасовага наведвання турыстамі. «Людзі хочуць сюды прыехаць. Я сам з вялікай цікавасцю глядзеў на гэтыя вёскі, якія яны былі, якія яны цяпер. Калі людзі хочуць ведаць, чаму мы ім перашкаджаем? Яны ж не едуць туды жыць і працаваць», — заўважыў Лукашэнка.

Каментары1

Літва забараняе ўезд аўто на беларускіх нумарах15

Літва забараняе ўезд аўто на беларускіх нумарах

Усе навіны →
Усе навіны

З беларусам тыдзень няма сувязі пасля таго, як ён перасёк мяжу з Польшчай1

88-гадовы апальны экс-кіраўнік «Пінскдрэва» Арыніч жыве ў Беластоку ў здымнай кватэры за кошт сваякоў2

Памёр Ігар Гіпс

«Калі ўпала першая льдзінка, я зразумела, што ўсё». Град памерам з курынае яйка пашкодзіў машыну беларускі2

У Беларусі затрымалі літоўца, які абвінавачваецца на радзіме ў забойстве2

Ціханоўская: Абмежаванні на мяжы не закрануць аўтобусы і маршруткі22

Літовец расказаў, як трапіў у полк Каліноўскага3

Паліцыя затрымала ў Варшаве беларуса, які прыйшоў у міністэрства з небяспечнымі прадметамі3

«Пакуль узаемнасці не бачым». Лукашэнка наракае, што не можа дамовіцца з Польшчай і Літвою29

больш чытаных навін
больш лайканых навін

Літва забараняе ўезд аўто на беларускіх нумарах15

Літва забараняе ўезд аўто на беларускіх нумарах

Галоўнае
Усе навіны →