Грамадства99

Сыранкоў прапанаваў замяніць слова «прэзідэнт» на «старшыня Рэспублікі Беларусь»

Кандыдат у прэзідэнты і першы сакратар ЦК Камуністычнай партыі Беларусі Сяргей Сыранкоў заявіў, што яму не падабаецца слова «прэзідэнт» для абазначэння найвышэйшай дзяржаўнай пасады ў краіне. На яго думку, «старшыня» пасуе значна лепш.

Сяргей Сыранкоў. Фота: Tochka.by

Прэтэндэнт на прэзідэнцкую пасаду прызнаўся, што само слова «прэзідэнт» выклікае ў яго пэўны дыскамфорт. На думку Сыранкова, гэта слова «заходняе і адсылае нас да буржуазнай традыцыі».

«Вось «старшыня Рэспублікі Беларусь» гучыць добра, па-народнаму», — дадаў Сыранкоў у інтэрв’ю РІА «Навіны». Пры гэтым ён падкрэсліў важнасць таго, што гэта назва павінна быць «на нашай мове».

Зазначым, што менавіта пасады «старшыня» ёсць у лідараў Кітая і КНДР.

Раней Лукашэнка заявіў, што з так званых альтэрнатыўных кандыдатаў яму найбольш спадабаўся «Сярожа Сыранкоў».

«Мне спадабаўся Сярожа Сыранкоў. Ну нармальна. Ён кажа: «Вы ведаеце, мы не супраць, мы за, мы разам, і мы будзем жадаць перамогі дзейнаму прэзідэнту. Бо тое, што ён робіць, не разыходзіцца з нашай праграмай». Шчыра і адкрыта чалавек ад камуністаў гэта сказаў. Сказаў шчыра. Я паслухаў, калі ён выклаў сваю праграму. Нічога новага: мы захавалі свае гіганты-прадпрыемствы, мы стараемся падзяліцца з людзьмі лішняй капейкай», — сказаў Аляксандр Лукашэнка.

Сам Сыранкоў раней казаў, што ягоная задача на выбарах — заняць другое месца пасля Лукашэнкі. Словы Лукашэнкі могуць патэнцыйна сведчыць пра тое, што прынята рашэнне ягоную мару здзейсніць. 

Каментары9

  • Трымай экстрэміста!
    23.01.2025
    Гэтак ён заўтра скажа, што мяняць трэба не толькі словы!
  • о.
    23.01.2025
    нездарма муж-камуніст закахаўся ў яго з першага позірку
  • Падтрымліваю
    23.01.2025
    Лепш старшыня калгаса

Куды могуць дэпартаваць 323 беларусаў з ЗША пасля ўказа Трампа? І хто гэтыя людзі?

Куды могуць дэпартаваць 323 беларусаў з ЗША пасля ўказа Трампа? І хто гэтыя людзі?

Усе навіны →
Усе навіны

Стрыжак назваў, колькі зваротаў прыйшло ў BYSOL праз узлом «Беларускага Гаюна»2

На трасе Мінск — Брэст цягнік збіў мікрааўтобус

Ціханоўская: «Апошні раз я чула голас мужа чатыры гады таму». Сяргей Ціханоўскі знаходзіцца ў рэжыме інкамунікада 700 дзён13

Праз спешку ЦРУ зліло імёны сваіх маладых супрацоўнікаў, на якіх палююць кітайскія спецслужбы7

Беларуская палітычная эмігрантка ляцела ў Грузію на самалёце, які экстранна пасадзілі ў Іране9

Беларуску без тлумачэння прычын знялі з рэйса ў мінскім аэрапорце і адправілі ў РУУС6

Справа Паўла Дурава дойдзе да суда не раней чым праз год

45-гадовую мінчанку асудзілі па трох палітычных артыкулах. Вось у чым яе вінавацілі1

Самы сапраўдны кот працуе ў беларускім музеі ФОТАФАКТ1

больш чытаных навін
больш лайканых навін

Куды могуць дэпартаваць 323 беларусаў з ЗША пасля ўказа Трампа? І хто гэтыя людзі?

Куды могуць дэпартаваць 323 беларусаў з ЗША пасля ўказа Трампа? І хто гэтыя людзі?

Галоўнае
Усе навіны →

Заўвага:

 

 

 

 

Закрыць Паведаміць