Кіно22

Ад Гарбуза да Гарцуевай — сціжма зорных беларускіх акцёраў знялася ў стужцы расійскага рэжысёра. Што за кіно?

Сёлета адбудзецца прэм'ера дэбютнага поўнаметражнага фільма рэжысёра і па сумяшчальніцтве сцэнарыста з руска-нямецкімі каранямі Мікалая Гасцюхіна (Гефеле) «Дэбаты». Здымалі яго ў Польшчы, і значную частку роляў выканалі беларускія акцёры, якія раней гралі ў РТБД і Купалаўскім.

Пра што будзе фільм?

Дзеянне ў фільме разгортваецца ў выдуманай краіне ў не самай далёкай будучыні. Па сюжэце галоўная гераіня па імі Ганна, нобелеўская лаўрэатка, балатуецца на пост прэзідэнта, практычна не маючы шанцаў на перамогу і знаходзячыся ў эпіцэнтры асабістага і рэпутацыйнага крызісу. Яна бярэ ўдзел у прэзідэнцкіх тэледэбатах, і за тыя дзве гадзіны, пакуль яны цягнуцца, ёй прыйдзецца зрабіць складаны выбар, ад якога залежыць не толькі яе лёс, але і будучыня роднай краіны. Глабальна ўся гісторыя будзе не столькі пра палітыку, колькі пра каханне і прыстойнасць.

Глядач пры гэтым як бы будзе знаходзіцца ў самым эпіцэнтры дэбатаў — дэмакратычных, сапраўдных, — падглядваючы не толькі за тым, што разгортваецца на асноўнай сцэне, але і за кулісамі.

Скрыншот: ютуб-канал «Скажи Гордеевой»

Усяго ў працы над фільмам задзейнічалі больш за 400 чалавек — каманда падабралася інтэрнацыянальная. Здымалі ўсё цягам лютага 2024 года ў Варшаве. Галоўных персанажаў у стужцы граюць эстонская актрыса Наталля Дымчанка (Ганна) і расійска-амерыканская — Марыя Машкова (Марыя).

Што тычыцца беларусаў, тут задзейнічалі сапраўды зорны склад. Так, Валянціна Гарцуева сыграла мадэратарку дэбатаў і прафесійную палітычную журналістку Лізу. Мікалай Стонька — гукарэжысёра Марка. Міхась Зуй выканаў ролю Эміля, аднаго з выбаршчыкаў, якія сядзяць на сцэне і дагэтуль не вырашылі, за каго будуць галасаваць. Алег Гарбуз грае генеральнага пракурора Міхаіла, а Ігар Сігоў — уласніка буйной нафтавай кампаніі Аляксандра.

Раней Мікалай Гасцюхін шчыльна працаваў з творчасцю драматурга Івана Вырыпаева. Так, па п’есе «Ілюзіі» ён зняў кінаспектакль. «Дэбаты» — яго першая вялікая кінапраца.

Скрыншот: imdb.com

Прэм'ера кінастужкі павінна адбыцца сёлета, але дакладнай даты паказаў пакуль няма: на гэты момант прадзюсары яшчэ займаюцца кінафестывальным лёсам фільма, а таксама камунікуюць з рознымі міжнароднымі дыстрыб'ютарамі.

Каментары2

  • Ганна
    24.01.2025
    гераіня па імі Ганна, ... балатуецца на пост прэзідэнта, практычна не маючы шанцаў на перамогу і знаходзячыся ў эпіцэнтры асабістага і рэпутацыйнага крызісу.
    ...
    Канапацкая ?
  • Спадар
    24.01.2025
    "зорныя беларускія акторы";)))))))

Куды могуць дэпартаваць 323 беларусаў з ЗША пасля ўказа Трампа? І хто гэтыя людзі?

Куды могуць дэпартаваць 323 беларусаў з ЗША пасля ўказа Трампа? І хто гэтыя людзі?

Усе навіны →
Усе навіны

Мінпрацы абяцае беларусам бонусы за пераезд у вёску8

У канале ГУБАЗіКа з’явілася дзіўнае сцвярджэнне пра адміна «Беларускага Гаюна»3

УСУ пачалі новы наступ на Курскім кірунку 

Хлопец падняў дзяўчыну на рукі, упаў — і апынуўся на інвалідным вазку. Але не здаецца1

У ПВТ з'явілася 48 новых рэзідэнтаў, 15 — з замежным капіталам3

Сілавікі затрымалі не толькі брата палітычнага эмігранта з Гомеля, але і яго бацьку1

Падлетку са Жлобіна далі хатнюю хімію за тое, што сарваў дзяржаўны сцяг2

Азербайджан спыніў у краіне дзейнасць «Рассупрацоўніцтва»9

Лукашэнка заявіў пра ўзмацненне паўнамоцтваў мясцовай улады ў дачыненні да прыватнага сектара9

больш чытаных навін
больш лайканых навін

Куды могуць дэпартаваць 323 беларусаў з ЗША пасля ўказа Трампа? І хто гэтыя людзі?

Куды могуць дэпартаваць 323 беларусаў з ЗША пасля ўказа Трампа? І хто гэтыя людзі?

Галоўнае
Усе навіны →

Заўвага:

 

 

 

 

Закрыць Паведаміць