У Новай Баравой прадаюць кватэры-студыі на 20 квадратных метраў. Цана здзіўляе
Цэннік на кватэры ў новабудоўлях сталіцы не перастае здзіўляць. У Новай Баравой прапануюць міні-студыі па 18-20 кв.м з гатовым рамонтам і тэхнікай па $2800 за метр. Кампактныя фарматы з'явяцца ў новым доме «Арт-квартала».
Калісьці такога роду студыі аддавалі за $34 тысячы па курсе, піша «Анлайнер».
Рамонт у міні-студыях у стылі лофт.
Па праекце, кватэры на другім-пятым паверхах ідуць з балконамі, на шостым-восьмым прадугледжаны лоджыі.
Інтэр'ер дапоўняць функцыянальная мэбля з утоенымі паліцамі, пральная машына і люстэрка з падсветкай у чорнай раме.
Кухню абсталююць варачнай панэллю, ЗВЧ-печчу, выцяжкай, убудаваным халадзільнікам, кухоннай мыйкай і змяшальнікам.
Новае аздабленне Concrete даступнае для студый у доме 1.10 па генплане ў «Арт-квартале» Новай Баравой. Кошт кватэры з гатовым інтэр'ерам — ад $53 775 у эквіваленце. Дарэчы, цана за квадратны метр на высокіх паверхах крыху вышэйшая, чым на астатніх. Так, студыя амаль у 19 «квадратаў» на першым паверсе абыйдзецца каля $53 800 па курсе, пры гэтым 20 «квадратаў» на самым апошнім паверсе будуць каштаваць амаль $60 тысяч.
Пакупнікам даступныя растэрміноўка і партнёрскія крэдыты.
Дом з кватэрамі-студыямі ў стылі лофт здадуць у трэцім квартале 2026 года.
Жыхар Іванава сплаціў $600 тысяч кампенсацыі за данаты, але ўсё адно атрымаў 5,5 года зняволення3
Жыхар Іванава сплаціў $600 тысяч кампенсацыі за данаты, але ўсё адно атрымаў 5,5 года зняволення
«На працягу 30 гадоў незалежнасці беларускамоўныя бюлетэні задавальнялі ўсіх». Камуністы абвінавацілі Бондараву ў распальванні варожасці на моўнай глебе1515
Каментары