19-гадовая дзяўчына скрала з чужога дома пляшку гарэлкі і ровар, але пракалолася на дробязі
Праз некалькі месяцаў яе знайшлі.
Фота: Дзяржкамітэт судовых экспертыз
У жніўні жыхар пасёлка Светлы Буда-Кашалёўскага раёна выявіў, што ў яго з хаты знікла пляшка гарэлкі, а з хлява хтосьці скраў ровар.
Эксперты ўстанавілі, што невядомы пракраўся ў дом праз акно, забраў пляшку, а затым абакраў хлеў. Агульная шкода склала 550 рублёў, піша Дзяржкамітэт судовых экспертыз.
Але злодзей пракалоўся: на месцы злачынства засталіся тры адбіткі пальцаў. Па ім зламысніка і знайшлі, а дакладней, зламысніцу: дзяўчыну 2005 года нараджэння. Аказалася, жыхарка Рагачова ўжо была судзімая, і таму яе адбіткі былі ў базе.
Сваёй віны яна не адмаўляла, цяпер дзяўчыну чакае яшчэ адзін суд.
Каментары