Прапаганда са скуры лезе, каб паказаць Лукашэнку блізкім да народу. Даходзіць да абсурду.
Паўгода таму на СТБ стартавала праграма «Свои» — пра людзей, якія ў розны час сустракаліся з Аляксандрам Лукашэнкам. Да гэтага часу выйшла 27 выпускаў.
Кожны выпуск пачынаецца з характэрнага кадра: эпізоду сустрэчы Лукашэнкі з работнікамі Мінскага завода колавых цягачоў у жніўні 2020 года. Апрацоўка кадраў робіць твары людзей у натоўпе цяжкапазнавальнымі, ператвараючы іх у абстрактную масу. У цэнтры — Лукашэнка, які ўзвышаецца над натоўпам і, падобна Ісусу, супакойвае буру на моры.
Затым — шэраг кадраў, якія дэманструюць гармонію і адзінства Лукашэнкі і простых людзей. Тут ён косіць траву, там крочыць наперадзе маладых людзей, пасля паказваюць, як ён перадае дзіцяці невялікую бутэлечку і жвава нешта тлумачыць, а потым — як па-панібрацку паціскае руку селяніну.
Усё гэта падводзіць да кадра, дзе Лукашэнка сядзіць сярод вяскоўцаў, у іх у руках — граблі і косы, а на экране з’яўляецца назва: «Свои». Гэтая назва рэгулярна ператвараецца ў «Свой», дзе птушачка над «й» каларыстычна імітуе неасавецкі сцяг, які быў вернуты Лукашэнкам у 1995 годзе.
Просты агляд загалоўкаў ды адрэдагаваных цытат стварае змешанае адчуванне: смехатворна-драматычнае. З 27 выпускаў, што выйшлі да гэтага часу, вымалёўваецца патройны вобраз Лукашэнкі: член сям’і і блізкі сябар, нацыянальны кумір і… звышнатуральная постаць.
Прывядзем самыя дзіўныя загалоўкі.
«Еў з Лукашэнкам суп з аднаго гаршка!»
«Лукашэнка — яснавідзец!»
«Лукашэнка трымаў яе дзіця на руках»
«Двойчы спрачаўся з Лукашэнкам!»
«Упаў на калені перад Лукашэнкам!»
«Яго шашлык ацаніў Лукашэнка»
«Лукашэнка на каленях у шахце»
Некаторыя выпускі закранаюць балючыя тэмы: пра жанчыну, што перажыла нацысцкія злачынствы, дзяцей з цяжкімі хваробамі або хлопчыка, які выратаваў брата з пажару і сам пацярпеў.
Здавалася б, такія тэмы не павінны выкарыстоўвацца ў прапагандысцкіх мэтах. Але не — стварэнне культу важнейшае за ўсё.
Праграма «Свои», відавочна, ёсць спробай аспрэчыць уяўленні пра ізаляванасць і аддаленасць Лукашэнкі ад народа, паказваючы яго ў простых і зразумелых кантэкстах.
Прапаганда казала, што Польшча зайздросціць Беларусі, бо ў яе няма касманаўта. Хутка будзе, і гэта сапраўдны навуковец
Прапаганда піша, што сын экс-кіраўніка МЗС Украіны купіў «Жалезны трон» за $1,5 мільёна. Праўда?
Прапагандысты прачыталі новую лекцыю за Лукашэнку пад назвай «Дыктат? Ура!»
Што хаваецца за «смелымі пытаннямі» студэнтаў Лукашэнку?
«Я павінен пазваніць нашаму куратару». Як завозілі мігрантаў у Беларусь — цікавыя дэталі з перахопленых тэлефонных размоў1
Каментары
«Лукашэнка — яснавідзец!»
«Лукашэнка трымаў яе дзіця на руках»
«Двойчы спрачаўся з Лукашэнкам!»
«Упаў на калені перад Лукашэнкам!»
«Яго шашлык ацаніў Лукашэнка»
«Лукашэнка на каленях у шахце»
...
не хватает серии «Лукашэнка в бане после мис Беларусь»