Прэзідэнт Францыі Эмануэль Макрон урачыста адкрыў Сабор Парыжскай Божай Маці (Нотр-Дам), адноўлены праз пяць гадоў пасля пажару. На цырымонію з'ехаліся многія высокапастаўленыя госці з розных краін, піша Руская служба Бі-бі-сі.
![](http://d3kcf2pe5t7rrb.cloudfront.net/img/w840d4webp1/photos/z_2024_12/gettyimages-2188570368-d3den.jpg.webp)
Сабор не толькі аднавілі пасля пажару, але і ачысцілі ад слядоў шматвяковых пылу і сажы, з-за чаго ён выглядае святлейшым, чым раней.
![](http://d3kcf2pe5t7rrb.cloudfront.net/img/w732d4webp1/photos/z_2024_12/ap24342722647795-x6ju8.jpg.webp)
Праўда, рэстаўрацыйныя работы ўсё яшчэ не завершаныя: будаўнічыя рыштаванні дагэтуль атачаюць усходнюю частку сабора.
![](http://d3kcf2pe5t7rrb.cloudfront.net/img/w732d4webp1/photos/z_2024_12/ap24342703954883-lvf4x.jpg.webp)
Сёння адбылася свецкая ўрачыстая цырымонія, а заўтра, 8 снежня, у саборы пройдзе першая каталіцкая імша. Будзе асвечаны новы алтар сабора, які быў спраектаваны сучасным мастаком Гіёмам Бардэ.
![](http://d3kcf2pe5t7rrb.cloudfront.net/img/w732d4webp1/photos/z_2024_12/ap24342734937428-hz7ob.jpg.webp)
Часткай сённяшняй цырымоніі было «абуджэнне» аргана: ён не граў з моманту пажару, а цяпер інструмент на 8000 труб адрэстаўраваны і ачышчаны ад пылу. На ім сыгралі чатыры арганісты.
![](http://d3kcf2pe5t7rrb.cloudfront.net/img/w732d4webp1/photos/z_2024_12/ap24342722344343-ka5in.jpg.webp)
З-за шторму «Дара» цырымонію было вырашана праводзіць цалкам унутры сабора.
У Парыж прыбыло шмат ганаровых гасцей, у тым ліку абраны прэзідэнт ЗША Дональд Трамп, брытанскі спадчыннік трону Уільям, прэзідэнтка Грузіі Саламе Зурабішвілі, прэзідэнт Украіны Уладзімір Зяленскі, прэзідэнт Італіі Серджа Матарэла і іншыя палітыкі. Замест прэзідэнта ЗША Джо Байдэна прысутнічала ягоная жонка Джыл Байдэн.
![](http://d3kcf2pe5t7rrb.cloudfront.net/img/w732d4webp1/photos/z_2024_12/ap24342670713050-papec.jpg.webp)
![](http://d3kcf2pe5t7rrb.cloudfront.net/img/w732d4webp1/photos/z_2024_12/ap24342670544751-lwwwx.jpg.webp)
На працягу наступнага тыдня Нотр-Дам будзе адкрыты для наведвальнікаў з 15:30 да 22:00 з панядзелка па пятніцу і да 20:00 у суботу і нядзелю. Увесь тыдзень будуць праводзіцца святочныя мерапрыемствы і спецыяльныя набажэнствы, а потым сабор запрацуе ў звычайным рэжыме і будзе даступны для вернікаў і турыстаў.
![](http://d3kcf2pe5t7rrb.cloudfront.net/img/w732d4webp1/photos/z_2024_12/gettyimages-2188570360-g0ri8.jpg.webp)
![](http://d3kcf2pe5t7rrb.cloudfront.net/img/w732d4webp1/photos/z_2024_12/gettyimages-2188570252-s22al.jpg.webp)
Пажар у красавіку 2019 года сур'ёзна пашкодзіў дах сабора і яго гатычны шпіль. На аднаўленне сабралі каля 846 мільёнаў еўра, і над рэстаўрацыяй працавалі каля 2000 чалавек.
У дзень, калі адбыўся пажар, Эмануэль Макрон паабяцаў, што гістарычны будынак будзе цалкам адноўлены, і адбудзецца гэта падчас яго прэзідэнцтва. На працягу шматгадовых рамонтных работ ён некалькі разоў наведваў будоўлю і трымаў працэс пад кантролем.
![](http://d3kcf2pe5t7rrb.cloudfront.net/img/w732d4webp1/photos/z_2024_12/gettyimages-2188579023-oadk1.jpg.webp)
Каментары
зашыбіс
,,,
а. ну бачна.. укушае моцнае іскусства
судзячы па благалепным твары яго его