Працяг вуліцы Калеснікава злучыць Фрунзенскі і Цэнтральны раёны сталіцы.
Пабудаваць новы чыгуначны пераезд плануюць у Фрунзенскім раёне. Пра гэта агенцтву «Мінск-Навіны» паведаміў кіраўнік раённай адміністрацыі Сяргей Шкруднеў.
Адна з праблем Фрунзенскага раёна — транспартная. З аднаго боку ён фактычна адрэзаны ад Цэнтральнага чыгункай. Ёсць усяго два варыянты, як яе можна перасекчы, — МКАД і другое кальцо.
«Будаўніцтва новага чыгуначнага пераезду падтрымана кіраўніцтвам горада, — адзначыў Шкруднеў. — Раней ён ужо быў запланаваны як працяг вул. Калеснікава праз чыгунку ў бок Цэнтральнага раёна. Гэта значыць гэтая дарога прадугледжана планам».
Па словах кіраўніка адміністрацыі, гэта здыме нагрузку на МКАД, палепшыць транспартнае злучэнне паміж раёнамі. Каб дабрацца ў Цэнтральны, не трэба будзе ехаць у аб'езд па пр. Пушкіна альбо праз МКАД.
«Ужо распрацоўваецца перадпраектная дакументацыя. Думаю, у студзені 2025 года яна будзе гатовая, і мы ўжо будзем бачыць нейкія цэнавыя характарыстыкі, кошт аб'екта. Адштурхоўваючыся ад гэтага, пачнем праектаваць і выдзяляць грошы з бюджэту на будаўніцтва дадзенай дарогі», — сказаў Шкруднеў.
«На працягу 30 гадоў незалежнасці беларускамоўныя бюлетэні задавальнялі ўсіх». Камуністы абвінавацілі Бондараву ў распальванні варожасці на моўнай глебе1414
Каментары