У Расіі ўдзельнік вайны зарэзаў сабутэльніка са словамі «Не служыў — не мужык»
Забіты сам казаў, што збіраецца на фронт, але адмовіўся ад дапамогі вайскоўца.
Мужчыны адпачывалі ў адным з бараў Масквы 4 лістапада. У іх кампанію ўліўся ўдзельнік вайны супраць Украіны 32-гадовы Дзяніс Калманаў.
Вайсковец стаў распавядаць пра службу на фронце, а потым прапанаваў аднаму з членаў кампаніі, Руслану Якушаву, паехаць на вайну. Тым больш, што той сам сказаў, што хочацца завербавацца ў ПВК «Вагнер», пішуць «Асцярожна, навіны».
Калманаў намякнуў, што можа дапамагчы заключыць кантракт з Мінабароны. Але Макушаў ад дапамогі адмовіўся і сказаў, што сам можа гэтым заняцца.
Праз некаторы час Калманаў падпільнаваў Руслана на вуліцы, калі той выйшаў пакурыць, і сказаў яму: «Не служыў — не мужык». Завязалася бойка, але іх разнялі падаспелыя таварышы.
Апаненты быццам бы паціснулі адзін аднаму рукі, але пасля гэтага Калманаў раптам дастаў нож і нанёс Макушаву 6 удараў. На судзе Калманаў прызнаўся ў зробленым, але заявіў, што яго справакавалі на забойства, а сам забіты яго абражаў.
Суд прысудзіў Калманава да 8 гадоў калоніі строгага рэжыму.
ГУБАЗіКу забаранілі публікаваць «пакаяльныя відэа». Цяпер яны выстаўляюць «пакаяльныя аўдыя»5
Каментары