У Вілейскім раёне збіралі грошы на рэстаўрацыю старадаўняй царквы. У выніку з яе проста выкінулі ўсё старое
Гістарычныя дзверы як непатрэбныя проста аддалі майстру ў падзяку за яго працу ў царкве.
Знішчэнне гістарычнага помніка заўважылі ў тэлеграм-канале «Спадчына».
У 2021 годзе Свята-Мікалаеўская царква ў вёсцы Латыгаль адзначала свой 250-гадовы юбілей. Будынак струхлеў і патрабаваў капітальнага рамонту. У сувязі з гэтым святар Андрэй Громаў аб'явіў збор сродкаў на рамонтна-рэстаўрацыйныя работы.
Як сцвярджалася, уся неабходная дакументацыя для правядзення рамонтна-рэстаўрацыйных работ у прыхода ўжо была, і ўсе ўзгадненні праведзены.
Актывісты спадзяваліся, што ў час работ адновяць барочны франтон, які царква мела яшчэ ў пачатку XX стагоддзя. Але ў прыхода былі зусім іншыя планы.
Капітальны рамонт храма пачаўся ў ліпені 2023 годзе. З будынка была знятая гістарычная шалёўка, каб адрамантаваць зруб, замяніўшы спарахнелыя часткі.
Але непатрэбнымі святару аказаліся і старыя царкоўныя дзверы. Летась з Свята-Мікалаеўскай царквы выкінулі бакавыя дзверы. Дзверы былі ашаляваны масіўнымі дошкамі, плешкі старых цвікоў стваралі на іх просты ўзор, аўтэнтычнай была і каваная ручка з клямкай.
Замест іх з'явіліся цалкам новыя дзверы, абабітыя звычайнымі дошкамі, на звычайных цвіках і з сучаснай ручкай, метал якой быў адмыслова састараны, але яна не мае нічога агульнага з гістарычнасцю.
Цяпер стала вядома, што з царквы выкідаюць і старыя ўваходныя дзверы, якія не менш за стагоддзе ўпрыгожвалі яе. Дзверы з рамбічнай шалёўкай добра бачныя на здымку пачатку XX стагоддзя. Дзверы проста аддалі людзям — пра гэта актывісты выпадкова даведаліся з сацсетак.
У акаўнце сям'і, якая ўдзельнічала ў рамонце ў царкве, з'явіліся сторыз, у якім пара пахваліліся тым, што раптам стала ўладальнікамі царкоўных дзвярэй XVIII стагоддзя з Латыгальскай царквы. Іх мужу падарыў бацюшка за ягоную працу.
Актывісты абурыліся тым, што гісторыка-культурную каштоўнасць рэспубліканскага значэння ў Беларусі можна проста раздарыць людзям. Яны спадзяюцца, што паколькі вядомыя тыя, хто атрымаў незвычайны падарунак, уваходныя дзверы можна будзе вярнуць на гістарычнае месца. Лёс бакавых дзвярэй невядомы.
Сёння рамонт на царкве ўжо завершаны, яна пафарбаваны ў новыя зялёныя колеры. Замест старых уваходных дзвярэй стаяць новыя, ашаляваныя вузкімі дошкамі, выкінуты старыя аконныя ліштвы, за тое замест іх з'явіліся выдуманыя сандрыкі (франтончыкі над вокнамі), якіх ніколі не было. Ніколі не было і новага навеса, узведзенага перад царквой.
«Наша Нiва» — бастыён беларушчыны
ПАДТРЫМАЦЬУ вежы Шчытоўка Наваградскага замка збіраюцца зрабіць музей
У Беларусі прадаюць будынкі сядзібы роду ВКЛ, дзе ў свой час працаваў настаўнікам Янка Купала. Колькі просяць?
Як выглядае сусветна вядомая яўрэйская семінарыя ў Валожыне пасля рэстаўрацыі — шмат ФОТА
Праваслаўны прыход у Слоніме пакараюць за незаконна перамаляваны храм XVII стагоддзя
Скончыла жыццё самагубствам Святлана Круцікава з Пінска, якую неаднаразова судзілі за «экстрэмізм»8
Каментары
Гэтыя актывісты нейкае казачнае зло і нядоля. Ну, ня толькі гэтыя, але ўсе падобныя змагачы за кіраваньне чужым пад выглядам апекі над гістарычнай спадчынай.
Насамрэч гаспадар царквы, сьвятар, падарыў дзейным парафіянам, якія дапамагаюць, бяруць ўдзел ў жыцьці царквы.
А сацыялісты з каналу яшчэ і спадзяюцца абрабаваць вернікаў - вярнуць (спарахнелую) браму назад.
Вусьцішна, канешне.
Ідэя ж і мара камсамольская ў тым, кам інстытуізавацца міністэрствам ці ведамствам так званае аховы гістарычнае спадчыны (ці падобна абзавуцца) і даваць прымусовы арбітраж, да якого людзі мусяць зьвяртацца перш ніх нешта рабіць са сваёй нерухомай ўласнасьцю.
Спаралізуюць гаспадарчую дзейнасьць і насмокчуцца карупцыйных выплатаў за дазволы такога прымусовага арбітражу.
Зрэшты, ў падлукашэнак і самых ёсьць ведамства гэткага арбітражу і камсамольцаў з ТГ каналу Спадчына ў яго не бяруць