Па Брэсце і Брэсцкім раёне ў нядзелю прайшлася непагадзь, паведамляюць у МНС. З-за моцнага ветру ў абласным цэнтры зафіксаваныя чатыры выпадкі падзення дрэў.
Дрэвы, у прыватнасці, упалі на жылы двухпавярховы дом, легкавы аўтамабіль, плот дзіцячага садка і праезную частку.
У Брэсцкім раёне на тэрыторыі садовага таварыства «Ручаёк-1» у выніку непагадзі пашкоджаны дах пяці дачных дамоў, а таксама два аўтамабілі.
Пацярпелых, як паведамляецца, няма, вядуцца аднаўленчыя работы.
Каментары