Многія адрамантаваныя iPhone з панядзелка ператворацца ў «цагліны»
Кампанія Apple запускае функцыю Activation Lock, якая заблакуе прылады, калі ў іх пры рамонце выкарыстоўваліся крадзеныя дэталі.
Яна пачне працаваць разам з рэлізам iOS 18, паведамляе партал 9to5Mac.
Па словах кампаніі, для таго, каб зняць блакіроўку, трэба будзе ўвесці пароль ад Apple ID уладальніка крадзенага тэлефона. Гэтыя змены датычацца акумулятараў, модуляў камер і дысплеяў. Такім чынам у Apple маюць намер пакласці канец рынку крадзеных iPhone.
З улікам таго, што такія запчасткі звычайна ставяць без ведама кліента, ды і сам сэрвіс часта не ў курсе, адкуль прыйшлі дэталі, спецыялісты рэкамендуюць не абнаўляцца да iOS 18, калі ваш тэлефон быў у неафіцыйным сэрвісе. Інакш ёсць рызыка, што ваш айфон ператворыцца ў «цагліну».
Паводле крыніцы, блакіроўка дэталяў ад скрадзеных iPhone будзе працаваць толькі з тэлефонамі, якія абнавіліся да iOS 18. Нагадаем, гэтую версію аперацыйнай сістэмы падтрымліваюць iPhone XR/XS і навейшы. Пры гэтым, як адзначае 9to5Mac, гэтае новаўвядзенне не распаўсюджваецца на iPad.
Рэліз iOS 18 запланаваны ўжо на 16 верасня. Яе называюць адным з самых маштабных абнаўленняў праграмнага забеспячэння для iPhone за апошнія гады, якое дадасць шырокія магчымасці кастамізацыі, як на Android, а таксама падтрымку нейрасеткавых фішак Apple Intelligence для iPhone 15 Pro і вышэй, але ўжо к канцу 2024 года.
Самі iPhone 16 паступяць у продаж 20 верасня. Кардынальна прылады не змяніліся, але Pro-мадэлі рэкордна выраслі ў памерах, кнопка Action Button цяпер ёсць не толькі ў «прошак», а ва ўсёй лінейцы, а скорасць зарадкі па провадзе павялічылася да 45 Вт.
Разам з тым журналісты адзначаюць, што на момант выхаду 20 верасня iPhone 16 будуць «сырымі». Уся справа ў тым, што многія крутыя функцыі, якія паказалі на прэзентацыі, з'явяцца праз абнаўленні iOS да канца года.
На зіму запланаваныя масавыя затрыманні, складзеныя «першы і другі спісы»29
Каментары