Расія забараніла ўвоз беларускіх прадуктаў. У іх знайшлі кішачную палачку і антыбіётыкі
Абмежаваць пастаўкі беларускай прадукцыі з 16 верасня прыняў рашэнне Рассельгаснагляд.
Гаворка ідзе пра вырабы прадпрыемства «Белфуд Прадакшн», якое выпускае дзіцячае харчаванне. Расійскі рэгулятар знайшоў у ягонай ялавічыне кішачную палачку, а ў дзіцячых кансервах — антыбіётыкі.
Па дадзеных ведамства, у кансервах з мяса птушкі для дзіцячага харчавання гэтага вытворцы паўторна знайшлі антыбіётык энрафлаксацын.
Тым часам у дачыненні да яшчэ некалькіх беларускіх прадпрыемстваў узмацнілі лабараторны кантроль з-за таго, што знайшлі ў прадукцыі бактэрыі групы кішачнай палачкі і антыбіётык.
Так, паводле звестак Рассельгаснагляду, бактэрыі групы кішачнай палачкі выяўлены ў ялавічыне каўбаснага цэха прадпрыемства «Александрыйскае» і філіяла «Барысаўскі мясакамбінат» Барысаўскага камбінат хлебапрадуктаў Мінскаблхлебапрадукта.
У ялавічыне, вырабленай на прадпрыемстве «Шчучынскі філіял Гродзенскага абласнога спажывецкага таварыства» была выяўлена налідыксавая кіслата (антыбіётык).
Узмоцняць кантроль прадукцыі, якая пастаўляецца прадпрыемствам «Жабінкаўскі камбікормавы завод», паколькі ў сухім корме для катоў выявіліся незарэгістраваныя лініі ГМА-кампанента або перавышэнне зарэгістраваных ліній.
Прадукцыя яшчэ аднаго прадпрыемства не прайшла праверку на мікробную бяспеку. Гаворка ідзе пра паўфабрыкаты з мяса птушкі ад філіяла «ЮНІМІТ» ААТ «Смалявічы Бройлер».
На зіму запланаваныя масавыя затрыманні, складзеныя «першы і другі спісы»29
Каментары
Спачуваю прыгонным спажыўцам.