Расія ўдарыла па Харкаве і трапіла ў шматпавярховы дом — пацярпеў 41 чалавек
Жыхары горада чулі цэлую серыю выбухаў.
Расійскія войскі нанеслі ўдар па Харкаве. Адна з авіябомб патрапіла ў шматпавярховы жылы дом.
Удар прыйшоўся на дзясяты паверх, пачаўся моцны пажар на чатырох паверхах — з дзевятага па дванаццаты.
Паводле апошніх звестак, пацярпеў 41 чалавек, сярод іх чацвёра дзяцей. Самаму маленькаму пацярпеламу дзіцяці 1 год.
Начальнік паліцыі Харкаўскай вобласці Уладзімір Цімошка распавёў, што Расія ўжыла для ўдару па Харкаву, хутчэй за ўсё, фугасную авіябомбу.
«Заход быў здзейснены тактычнай авіяцыяй з раёна Белгарада, па горадзе пакуль зафіксавана адно трапленне ў шматпавярхоўку. Пакуль мы не зафіксавалі ніводнага загінулага, некалькі чалавек у цяжкім стане, папярэдне, ёсць параненыя дзеці», — цытуе Цімошку «Суспільне Харків».
Паводле кіраўніка паліцыі, сярод дзяцей цяжкапараненых няма.
«Зашмат у вас дзяцей». Як жыве сям'я з сямю дзецьмі, якой давялося выехаць з Беларусі3
Каментары