Нечакана для сябе сёстры-блізняты Груздзевы высветлілі, што маюць розныя нацыянальнасці
У радыёэфіры спявачкі паспрачаліся наконт сваёй нацыянальнасці. Аляксандра сцвярджала, што яны — рускія, а Валянціна — што беларускі. Нечакана высветлілася, што абедзве маюць рацыю.
Але пачнём спачатку. У маі 2024 года Груздзевы пайшлі на эфір радыё «Мінская хваля». Нягледзячы на тое, што яны як заўсёды выдавалі крынж, асаблівай папулярнасці тая гутарка не атрымала. На YouTube-канале радыё відэазапіс размовы не набраў нават тысячы праглядаў.
Цікавасць да таго эфіру з’явілася пасля таго, як блогер Глеб Сямёнаў выклаў у тыктоку відэа, дзе ён гаворыць адначасова з абедзвюма сёстрамі Груздзевымі. Ролік за суткі набраў каля 23 тысяч праглядаў.
— Не, Валя, у нас нацыянальнасць рускія! Пачакай, Валя, у нас у графе стаіць нацыянальнасць — мы рускія! І вось гэты характар… Валя, мы рускія! Я глядзела нядаўна нашае пасведчанне аб нараджэнні, і я зразумела, што мы рускія. Ну не зразумела, а я ведаю. Мы памяркоўныя, вось так вось. Але насамрэч мы вельмі пазітыўныя, мы вельмі добрыя, мы вельмі шчырыя. Проста нас не трэба закранаць. І ўсё! І тады ўсім добра. Праўда, Валя?
Відавочна, пасля таго, як відэа Глеба завірусілася, сёстры працягнулі спрэчку дома. А цяпер далі на сваёй агульнай старонцы ў інстаграме справаздачу для падпісчыкаў. Каб паставіць кропку ў гэтым пытанні, Груздзевы палезлі глядзець пасведчанні аб нараджэнні сваіх дзяцей (там пазначаюцца нацыянальнасці бацькоў).
Высветлілася, што Валянціна ў дакуменце запісаная як беларуска, а Аляксандра (тая, якая заўсёды перашкаджае сястры гаварыць і цягне ўвагу на сябе) — як руская.
Як такое магло здарыцца? Магчыма, адзін з бацькоў сясцёр быў рускім, другі — беларусам. Па ўзаемнай згодзе маці і тата розных нацыянальнасцяў могуць выбраць адну з дзвюх нацыянальнасцяў для свайго дзіцяці. Мабыць, у выпадку з блізнятамі бацькі вырашылі падзяліць нацыянальнасці паміж дочкамі.
Іншы варыянт — сама Аляксандра, калі рэгістравала сваё дзіця, магла выбраць для сябе нацыянальнасць аднаго са сваіх бацькоў і стаць рускай.
Сёстры Груздзевы прапануюць артыстаў, якія не падтрымаюць Лукашэнку ў 2025-м, штрафаваць на 500 тысяч еўра ці саджаць у турму
Сёстры Груздзевы сцвярджаюць, што ведаюць імёны арганізатараў і выканаўцаў тэракту ў «Крокус Сіці Хол»
Сёстры Груздзевы расказалі, хто пашыў ім трэшовыя сукенкі ў выглядзе сцягоў
Адна з сясцёр Груздзевых набыла паліто «любімага брэнда Пуціна» за 3,5 тысячы рублёў. Але памылілася
На зіму запланаваныя масавыя затрыманні, складзеныя «першы і другі спісы»8
Каментары
Дарэчы, ў Глебіка Маляванага ў камэнтарох, і тут, як зрэзануе на тузін чытацкіх допісаў, спадарынь Грузьдзевых павыпісваюць з цымусных, на думку аўтараў, і пазапісваюць ў елкія нацыянальнасьці.
[Грае гіт Ляпісаў: легенды делают нас мудрей]