Украінка з расійскім пашпартам Анна Асці будзе двойчы запар збіраць «Мінск-Арэну»
Спявачка застаецца ў Беларусі ў топах папулярнасці — летась яна давала тры канцэрты.
Спявачка Анна Асці запланавала ў снежні два канцэрты ў Мінску. Абодва пройдуць на «Мінск-Арэне» — самай вялікай канцэртнай пляцоўцы Беларусі.
Колькасць канцэртаў у «Мінск-Арэне» цяпер мізэрная. Апроч Анны Асці, да канца года чакаецца яшчэ толькі выступ Дзімы Білана.
Заходнія спевакі цяпер у Беларусь не ездзяць, а многія расійскія зоркі абіраюць меншыя пляцоўкі.
Напрыклад, у кастрычніку Сяргей Лазараў будзе даваць два запар канцэрты ў Палацы рэспублікі. Там жа да канца года выступяць Ані Лорак і Аляксандр Панаётаў. А для МакSім і Уладзіміра Праснякова прапанавалі Палац спорту.
Адметна, што ў снежні 2023 года Анна Асці дала ажно тры канцэрты ў «Мінск-Арэне». Па сведчаннях гледачоў, усе яны прайшлі з аншлагамі.
Анне Асці 34 гады. Яе сапраўднае імя — Ганна Дзюба. Дзяўчына нарадзілася ва ўкраінскіх Чаркасах, правяла там усё дзяцінства. Пераехала ў Маскву ў 2013 годзе, з цягам часу атрымала расійскі пашпарт. Спявачка ніяк не выказваецца наконт расійскага нападу на Украіну, за што яе моцна крытыкуюць на радзіме.
«Паглядзіце, што нарабілі мужчыны». Марына Ментусава — пра жанчын, што выратуюць свет, працу ў Расіі, асабістае жыццё і «Обычное утро»31
«Паглядзіце, што нарабілі мужчыны». Марына Ментусава — пра жанчын, што выратуюць свет, працу ў Расіі, асабістае жыццё і «Обычное утро»
«Тое, што хтосьці сядзіць за палітыку, з'яўляецца часткай пейзажу». Беларуска, якая наведала радзіму пасля доўгага перапынку, падзялілася ўражаннямі1010
Каментары