Пасля летняй засухі ў Дунаі паказаліся затопленыя нямецкія караблі часоў Другой сусветнай вайны
Рэшткі патанулых караблёў нацысцкай Германіі, начыненых выбухоўкай, знайшлі недалёка ад рачнога порта Прахава ў Сербіі. Судны пабачылі пасля летняй засухі, калі ўзровень вады ў рацэ ўпаў, піша CNN.
Таксама чатыры караблі выявілі ў Венгрыі, у нацыянальным парку Дунай-Драва, недалёка ад Мохача. Там узровень вады 10 верасня 2024 года складаў усяго 1,5 метра.
Знойдзеная ў Прахаве частка флоту нацысцкай Германіі была затопленая ў 1944 годзе, калі фашысты адступалі. У некаторых караблёў, якія былі раскіданыя на дне ракі, захаваліся вежы, зламаныя мачты, зламаныя карпусы і капітанскія масткі. Іншыя судны ў асноўным знаходзяцца пад вадой пад пяшчанымі водмелямі.
Пра адзін з караблёў ахоўнік нацыянальнага парку Дунай-Драва Эндрэ Стэлік сказаў так:
«Мы дагэтуль не ведаем, што гэта такое. Відаць, і гэта сумны факт, што абломкі судна памяншаюцца, паколькі людзі цікавяцца імі, і некаторыя іх часткі знікаюць».
Як паведамляецца, у Венгрыі ў раёне выяўлення караблёў 9 верасня пачаліся дажджы, таму чакаюць, што ўзровень вады ў Дунаі падымецца да выхадных да трох метраў. Выяўленыя судны, хутчэй за ўсё, зноў апынуцца пад вадой.
«Зашмат у вас дзяцей». Як жыве сям'я з сямю дзецьмі, якой давялося выехаць з Беларусі3
Каментары