У Польшчы хацелі пабудаваць авіябазу, але месца аказалася занятым рэдкімі жывёламі
Рабыя суслікі, якія ахоўваюцца ў Польшчы законам, пасяліліся на тэрыторыі паблізу Люблінскага аэрапорта, дзе мясцовае Міністэрства абароны Польшчы хацела пабудаваць авіябазу. Як ні дзіўна, вайскоўцам давялося адступіць, піша «Зялёны партал».
Як паведамляецца, яшчэ ў сакавіку гэтага года польскія вайскоўцы паведамілі пра будаўніцтва пастаяннай армейскай авіябазы ў Люблінскім аэрапорце, размешчаным у горадзе Свіднік.
Цяпер тэрыторыю аэрапорта выкарыстоўвае мясцовы аэраклуб. Менавіта тут павінна была ўладкоўвацца база, але, як высветлілася, гэта месца ўжо аблюбавала некалькі дзясяткаў, максімум дзвесце асобін рабога сусліка.
З-за гэтай калоніі будаўніцтва згаданай базы вырашылі адкласці. Цяпер інвестыцыйны аб'ект будзе пабудаваны ў лясной зоне на поўнач ад аэрапорта.
Рабы суслік фармальна знаходзіцца пад аховай і ў Беларусі, аднак ягоныя калоніі, што існуюць у асноўным у Нясвіжскім раёне, рэгулярна падвяргаюцца выпрабаванням: палі, дзе жывуць суслікі, разворваюць і закідаюць угнаеннямі.
Бачыце сусліка? А яго і няма. У Беларусі знішчылі рэдкую калонію сусліка, цяпер дабіваюць другую
У Беларусі прачнуліся суслікі. Цяпер ужо дакладна зімы не будзе
Выйшлі са спячкі гэтыя сімпатычныя жывёлінкі
У Нясвіжскім раёне знішчылі самую маленькую ў Беларусі калонію суслікаў. Што там нарабілася?
Некалькі калоній рабога сусліка ў Беларусі перададзеныя пад ахову
У Беларусі знайшлі самае буйное паселішча суслікаў
«Зашмат у вас дзяцей». Як жыве сям'я з сямю дзецьмі, якой давялося выехаць з Беларусі3
Каментары
жах які... вось рабы-суслікі і збеглі ў Польшчу