«У Беларусі сітуацыя зменіцца толькі пасля таго, як яна зменіцца ў Расіі» — Радаслаў Сікорскі
Пракрамлёўскія пранкеры «Ваван» і «Лексус» (Уладзімір Кузняцоў і Аляксей Сталяроў) новай сваёй ахвярай абралі міністра замежных спраў Польшчы Радаслава Сікорскага, якому патэлефанавалі ад імя былога прэзідэнта Украіны Пятра Парашэнкі. Сярод іншага крыху размаўлялі і пра Беларусь, піша «Белсат».
У Сікорскага спыталіся, ці можа Польшча дапамагчы беларускай апазіцыі. Міністр адказаў, што Польшча мае стасункі з беларускімі дэмакратычнымі сіламі, але яны, маўляў, «не павінны нічога рабіць заўчасна», бо «іх раздушаць»: рэжым у Беларусі рэпрэсіўны, а Расія мае ў Беларусі даўні ўплыў.
«Мая рабочая прапанова заключаецца ў тым, што ў Беларусі сітуацыя зменіцца толькі пасля таго, як яна зменіцца ў Расіі, а не раней», — сказаў Сікорскі.
На пытанне, ці быў шанец нечага дасягнуць са Святланай Ціханоўскай і іншымі беларускімі палітыкамі, Сікорскі адказаў, што толькі тады, калі б у Расіі адбылася змена ўлады. Таму Сікорскі заклікаў рыхтавацца да патрэбнага моманту.
Сікорскі расказаў, як прымусіць Пуціна спыніць вайну
МЗС Польшчы дало лаканічны адказ на заяву Васкрасенскага
Васкрасенскі хоча, каб Пачобута прыехаў забіраць асабіста Сікорскі
Сікорскі: Польшча абавязана збіваць расійскія ракеты над Украінай
Сікорскі пра вызваленне Пачобута: Мы спрабуем розныя ідэі, спадзяюся, адна з іх спрацуе
«Сяргей» не адзін. Вось як КДБ прапануе зарабіць на сачэнні за беларускімі эмігрантамі2
Каментары