Механізатару з Івацэвіцкага раёна цыгарэта абышлася ў 35 тысяч рублёў
Мужчына няўдала выкінуў недакурак і спаліў цэлы ангар.
Фота: МНС
У адным з сельскагаспадарчых прадпрыемстваў Івацэвіцкага раёна днём 9 верасня загарэўся ангар.
Ратавальнікі неўзабаве патушылі пажар, а сілавікі адшукалі вінаватага. Аказалася, адзін механізатараў прадпрыемства няўдала пакурыў.
Ён праязджаў міма і выкінуў на зямлю недапалак. Ад непатушанай цыгарэты загарэлася салома, якая ляжала на абочыне, а затым агонь дабраўся да ангара з сенам. Ён згарэў цалкам, што каштавала прадпрыемству больш за 35 тысяч рублёў.
Механізатар патлумачыў, што не заўважыў, як загарэлася салома. У якім статусе знаходзіцца работнік, не паведамляецца.
Каментары