Веласіпедыстаў зноў абавяжуць спешвацца на пешаходных пераходах. Самакатчыкаў таксама
Выключэнне зробяць для пераходаў, дзе будуць абсталяваны спецыяльныя святлафоры для веласіпедыстаў.
Веласіпедыстаў, самакатчыкаў і ўладальнікаў іншых сродкаў мабільнасці хочуць абавязаць спешвацца на пешаходных пераходах і велапераездах. Пра гэта распавёў начальнік Галоўнага ўпраўлення Дзяржаўтаінспекцыі МУС Віктар Ротчанкаў.
З 12 па 27 верасня на сайце прававога інтэрнэт-партала размесцяць праект указа аб унясенні змяненняў у ПДР. У першую чаргу гэтыя змены будуць тычыцца менавіта веласіпедыстаў і самакатчыкаў.
Не спешвацца будзе дазволена на велапераездзе, які абсталяваны транспартным святлафорам, які рэгулюе рух веласіпедыстаў.
«Калі раварыст за горадам рухаецца па краі праезнай часткі, і ён перасякае скрыжаванне, то ў сувязі з гэтым яму таксама можна будзе не спешвацца. Ва ўсіх астатніх выпадках пры перамяшчэнні праз праезную частку: па пешаходным, велапераездзе, вадзіцелі сродкаў персанальнай мабільнасці (самакатаў, монаколаў і гіраскутараў) і веласіпедысты ў праекце ўказа будуць абавязаны спешвацца», — сказаў Ротчанкаў.
Як склалася жыццё Ялінкі, адзінай беларускамоўнай вучаніцы ў Магілёве ў свой час?7
Каментары