Японская кампанія наняла на працу 10 катоў, каб палепшыць мікраклімат
Японская кампанія Qnote здзівіла сацыяльныя сеткі персаналам з ліку катоў: офісных клеркаў, аўдытараў і нават кіраўнікоў. Кіраўнік кампаніі кажа, што гэтыя жывёлы паляпшаюць маральны дух і згуртаванасць каманды, прымушаюць супрацоўнікаў рабіць неабходныя перапынкі, піша South China Morning Post.
Пасля таго як у 2004 годзе японская тэхналагічная кампанія Qnote узяла свайго першага ката Футабу з сушы-рэстарана, яна проста не змагла ўтрымацца ад таго, каб не наняць яшчэ больш катоў. Цяпер кампанія можа пахваліцца 10 пухнатымі супрацоўнікамі, якія жывуць побач з офісам — большасць з іх працуюць поўны рабочы дзень.
Офіс таксама стаў ідэальным працоўным месцам для 32 чалавек, якім падабаецца камунікацыя з катамі.
Калі ў 2020 годзе Qnote пераехала ў больш прасторны чатырохпавярховы офісны будынак, яна не забылася пра сваіх самых важных супрацоўнікаў.
Кампанія адрамантавала другі і трэці паверхі, усталявала 12 каціных прыбіральняў і паліцы для катоў і нават пафарбавала сцены, каб прадухіліць з'яўленне драпін.
Qnote прызначыла катам розныя офісныя пасады, уключаючы галоўнага клерка, менеджара, аўдытара і chaircat. Кот-старшыня — Футаба, які ў свае 20 гадоў з'яўляецца самым высокапастаўленым супрацоўнікам у кампаніі, апярэджваючы нават боса, Набуюкі Цуруту.
Шэсць катоў — нашчадкі Футабы і кошкі іншага супрацоўніка. Ёсць таксама былы бяздомны кот, якога супрацоўнік выратаваў у дарожна-транспартным здарэнні, і кот, узяты з кота-кафэ.
Пасля ўчорашняй публікацыі «НН» з «Сяргеем» і «Алексам» адбыліся метамарфозы8
Пасля ўчорашняй публікацыі «НН» з «Сяргеем» і «Алексам» адбыліся метамарфозы
«Тое, што хтосьці «сядзіць за палітыку», з'яўляецца «часткай пейзажу». Беларуска, якая наведала радзіму пасля доўгага перапынку, падзялілася ўражаннямі66
Каментары