Маршруты сталічнага транспарту часова зменяцца на праспекце Незалежнасці на выходных
Размова пра ўчастак праспекта ад вуліцы Энгельса да вуліцы Янкі Купалы, уключаючы скрыжаванне, дзе 17 жніўня будуць праводзіцца рамонтныя работы.
З 14:00 17 жніўня і да 05:00 18 жніўня аўтобус №100 ад плошчы Незалежнасці будзе рухацца па вуліцах Свярдлова, Ульянаўскай, Першамайскай, Змітрака Бядулі, Казлова, праспекце Незалежнасці і далей па маршруце. У зваротным кірунку ён будзе ехаць па праспекце Незалежнасці, вуліцах Захарава, Першамайскай, Ульянаўскай, Свярдлова, праспекце Незалежнасці і далей па звыклым маршруце.
Аўтобус №57 у гэты дзень будзе ездзіць па вуліцах Пуліхава, Першамайскай, Ульянаўскай, Бабруйскай, Клары Цэткін, праспекце Дзяржынскага і далей па маршруце ў абодвух напрамках.
Рух аўтобуса №115Э ад плошчы Незалежнасці будзе арганізаваны па вуліцах Свярдлова, Ульянаўскай, Першамайскай, Змітрака Бядулі, Казлова, праспекце Незалежнасці і далей па маршруце, у зваротным кірунку — па праспекце Незалежнасці, вуліцах Захарава, Першамайскай, Ульянаўскай, Свярдлова, праспекце Незалежнасці, Бабруйскай. Гэты аўтобус не будзе ажыццяўляць пасадку і высадку пасажыраў на змененым участку ў абодвух напрамках.
Каментары