У расійскім Ніжнім Ноўгарадзе на двух школьнікаў завялі крымінальную справу аб ваенных фэйках
Данос напісала дырэктарка ліцэя.
На двух школьнікаў 2006 года нараджэння завялі крымінальную справу аб распаўсюдзе ваенных «фэйкаў» групай асоб пасля даносу дырэктаркі ліцэя, у якім яны вучыліся, піша ОВД-Інфо.
Дома ў юнакоў прайшлі ператрусы, а іх саміх затрымалі. Хутка ім выставяць абвінавачванне і абяруць меру стрымання.
Справу распачалі з-за роліка, у якім юнакі «ў сцвярджальнай форме распаўсюджваюць інфармацыю, якая ганіць расійскую армію.
Верагодна, гаворка ідзе пра відэа, праз якое ў лістападзе 2023 года на падлеткаў склалі пратаколы аб дыскрэдытацыі войска.
У тым відэа юнакі дома на кухні абмяркоўвалі расійскае ўварванне ва Украіну. Першапачаткова ролік апублікавалі ў тэлеграм-канале на 26 чалавек, а пазней невядомы даслаў спасылку на пошту ліцэя.
Каментары