Функцыя 360-градуснага агляду наваколля ад Apple распаўсюдзіцца і на Беларусь
Гэта вынікае з багаў бэта-тэставання браўзернай версіі Apple Maps, паведамляе буйны партал MacRumors.
Па інфармацыі MacRumors, бэта-тэставанне браўзернай версіі дадатку Apple Maps выпадкова выкрыла будучыя зоны пакрыцця функцыяй «Агледзецца», якая дазваляе аглядаць усе асноўныя аўтастрады, гарадскія дарогі і вуліцы розных населеных пунктаў на 360 градусаў.
Адной з такіх будучых зонаў пакрыцця стане ўся Беларусь, вынікае з базавага коду і багаў бэта-тэсту мапаў Apple. Панарамная візуалізацыя месцаў можа быць заснавана на фатаграфіях за 2023 год, піша MacRumors.
Вынікі бэта-тэсту таксама сведчаць аб тым, што функцыя «Агледзецца» таксама распаўсюдзіцца і на такія краіны, як Марока, Егіпет, Іарданія, Сірыя, Ліван, Кітай, Турцыя, Балгарыя, Мексіка і Славакія.
Для многіх з вышэйпералічаных краін гэта будзе першы выпадак, калі стануць даступныя высакаякасныя выявы вуліц і наваколля, бо канкурэнтны дадатак Street View ад Google мае ў гэтых краінах меншую якасць і дэталізацыю панарамных фатаграфій.
Журналісты высветлілі, дзе Apple хавае сваю самую перадавую лабараторыю
У інтэрнэце стартаваў праект па стварэнні інтэрактыўнай карты беларускіх пахаванняў па ўсім свеце
«Нават Прыпяць моцна змяніла сваё рэчышча». Беларус з дапамогай ChatGPT стварыў унікальны сайт, дзе старадаўнія карты Беларусі можна параўнаць з сучаснымі
Каментары
А дзе гэтае "агульнапрынятае значэнне" перакладаецца як add-on, можна паглядзець?