МНС паведаміла падрабязнасці пра надзвычайную сітуацыю, якая сёння здарылася на чыгунцы ў раёне вуліцы Казінца.
Працёк з цыстэрны, у якой знаходзілася небяспечнае хімічнае рэчыва бензілхларыд, заўважыў дзяжурны персанал станцыі пры фарміраванні складу цягніка.
Пасля выяўлення праблем чыгуначнікі адбуксіравалі вагон на станцыю «Мінск-Сартавальная» для яе ліквідацыі.
«Работнікамі МНС забяспечаная бесперабойная падача вады на астуджэнне кантэйнера са 100°C да 23°C, а таксама асаджэнне пароў выцякаючага рэчыва, створаная пенная падушка. Пасля чаго кантэйнер быў ускрыты і пачатыя работы па выманні ёмістасцяў», — паведамілі ў МНС.
Пацярпелых у выніку здарэння няма, эвакуацыя людзей не праводзілася. Пагрозы жыццю і здароўю насельніцтва цяпер таксама, як сцвярджаецца, няма.
Каментары