Паводле закона, падпісанага сёння Пуціным, расійскім вайскоўцам забараняюць карыстацца смартфонамі на фронце. За гэта парушэнне ім можа пагражаць да 10 сутак гаўптвахты без суда.
Закон «Аб асаблівасцях прымянення і выканання дысцыплінарнага арышту вайскоўцаў у зоне СВА» распаўсюджваецца на салдат, сяржантаў, старшын, матросаў, мічманаў і прапаршчыкаў. За парушэнне закона пагражае да 10 сутак дысцыплінарнага арышту, які вінаватыя маюць адбываць на гаўптвахце.
У спіс забаронаў уваходзяць, сярод іншага, зносіны з СМІ, нягледзячы на забарону (з расповедам пра сваю дзейнасць або дзейнасць таварышаў па службе), або нашэнне прылад з магчымасцю выхаду ў інтэрнэт. Выключэнне — толькі смартфоны, якія прымяняюцца дзеля службовых мэтаў.
Рашэнне аб дысцыплінарным арышце будзе прымаць камандаванне вайсковай часці ці вайсковая паліцыя.
24 ліпеня гэтую пастанову ўхваліла Дзярждума, пасля чаго законапраект раскрытыкавалі z-каналы, абвінаваціўшы дэпутатаў у «поўным адрыве ад рэалій».
Расія атрымала ад КНДР дальнабойныя самаходныя супрацьтанкавыя ракетныя комплексы — яны ўжо на фронце
Галоўнакамандуючы УСУ расказаў пра перавагу Расіі ў тэхніцы і акрэсліў, што рабіць украінцам
«Не звяртаць увагі на меркаванні маралі на карысць крэатыўнасці». Узламана перапіска супрацоўнікаў расійскай разведкі
Каментары