Два хлопчыкі пяці і васьмі гадоў падпалілі падвал пяціпавярховіка ў Ашмянах
Здарэнне адбылося на вуліцы Янкоўскага ў абед 27 чэрвеня
У 12:47 ратавальнікам паступіла паведамленне, што падвал пяціпавярховага дома поўны дыму. Калі ратавальнікі прыбылі на месца, яны ўбачылі, што ўнутры падвала гараць дзверы ў адзін з адсекаў агульнага падвальнага памяшкання. Пажар патушылі.
Прычыну здарэння высветлілі. Два хлопчыкі пяці і васьмі гадоў у падвале гулялі з запалкамі. Сябры падпалілі паперу, кінулі яе ў кут, а самі ўцяклі. Уваходныя дзверы ў падвал былі пры гэтым адчыненыя. Неўзабаве жыхары дома адчулі пах гару і выклікалі ратавальнікаў МНС. Агонь паспеў пашкодзіць дзверы ў ячэйку падвала, піша Kraj.by.
Каментары