Міністр абароны Польшчы Уладзіслаў Касіняк-Камыш 26 чэрвеня прэзентаваў у Сейме праект паправак да законаў, якія рэгулююць дзеянні арміі, паліцыі і памежнай службы ў выпадку пагрозы дзяржаўнай бяспецы. Пры гэтым ён падкрэсліў, што на мяжы з Беларуссю польскія вайскоўцы маюць справу не з мігрантамі, а з «ордамі бандытаў», паведамляе tvn24.pl.
Паводле слоў Уладзіслава Касіняка-Камыша, нелегалы «нападаюць на мяжу і спрабуюць атакаваць […] польскіх салдат і афіцэраў», і гэта не спантанна, бо яны «падрыхтаваныя і навучаныя гэтаму».
«Гэта найвышэйшы ўзровень гібрыднай вайны, накіраванай супраць Польскай Рэспублікі, найвышэйшы ўзровень гэтай вайны, накіраванай сёння супраць бяспекі польскай дзяржавы», — адзначыў міністр.
Аргументуючы патрэбу ўнясення зменаў у заканадаўства, ён адзначыў, што Польшча ў бяспецы, калі казаць пра падрыхтоўку войскаў, узаемадзеяннем службаў і каардынацыю іх дзеянняў. Аднак міністр падкрэсліў, што «мы жывем у сітуацыі непасрэднай пагрозы», і ў польскім заканадаўстве ёсць «юрыдычная шчыліна», таму што, калі стваралася цяперашняя Канстытуцыя краіны, не было «чагосьці накшталт гібрыднай вайны».
Пасля даносу Бондаравай раптоўна адмянілі выставу ў музеі Янкі Купалы. Цяпер яна патрабуе на музеі шыльды па-руску24
Каментары
они не в Польшу идут... пора полякам успокоится и дать коридор в Германию