Прэс-сакратар Крамля Дзмітрый Пяскоў пракаментаваў пастанову Міжнароднага крымінальнага суда выдаць ордары на арышт былога міністра абароны Расіі Сяргея Шайгу і кіраўніка расійскага генштаба Валерыя Герасімава.
«Мы лічым іх досыць абсурднымі, як і мінулыя два ордары, якія тычыліся кіраўніка дзяржавы і нашага дзіцячага амбудсмена», — сказаў Пяскоў, адказваючы на пытанне журналістаў.
«Мы не прызнаем юрысдыкцыю гэтага суда, не зʼяўляемся членамі адпаведнага статута. Адпаведна, мы не прызнаем гэтыя ордары», — дадаў Пяскоў.
25 чэрвеня дасудовая палата МКС выдала ордары на арышт Шайгу і Герасімава ў сувязі з ударамі па ўкраінскіх энергетычных абʼектах падчас вайны.
Такія ўдары, перакананыя суддзі, былі накіраваныя супраць грамадзянскага насельніцтва Украіны, а значыць, маюць прыкметы ваеннага злачынства і злачынстваў супраць чалавечнасці.
17 сакавіка 2023 года МКС выдаў ордар на арышт Уладзіміра Пуціна і дзіцячага амбудсмена Львовай-Бяловай.
Іх вінавацяць у ваенным злачынстве — незаконнай дэпартацыі насельніцтва (дзяцей) і незаконнага перамяшчэння насельніцтва (дзяцей) з акупаваных тэрыторый Украіны ў Расійскую Федэрацыю.
Лічбы, ад якіх страшна. Больш за 280 тысяч беларусаў атрымалі дазволы на жыццё ў ЕС у 2023. Больш толькі ва ўкраінцаў32
Каментары
😒 Прыкра, што гэткія спачатку пішуць па-расейску, а потым перакладаюць на, здавалася б, іхнюю родную мову. Інакш як можна растлумачыць сказ «17 сакавіка 2023 года МУС выдаў ордар на арышт...»? Дзе МУС напісана менавіта на «веліком і могуцем», пазначае «Международный уголовный суд», але чамусьці — ну, трэба ж! — гуглямі не пераклалася. «Бастыён беларушчыны», блін...