Вайна

Украіна пачала мініраваць шляхі расійскіх караблёў у Чорным моры пры дапамозе дронаў. І гэта дае поспехі

Чарнаморскі флот Расіі страціў траціну караблёў у выніку прымянення Украінай ракет і інавацыйных вайсковых тэхналогій — марскіх беспілотнікаў. Але, акрамя гэтага, былі яшчэ міны, якія навучыліся ставіць гэтыя беспілотнікі, расказаў The Wall Street Journal брыгадны генерал Іван Лукашэвіч са Службы бяспекі Украіны.

Марскі дрон SeaBaby. Фота: СБУ

Адзначаецца, што пасля першых выпадкаў выкарыстання марскіх дронаў расіяне пабудавалі вялікія загароджанні на ўваходзе ў порт у Севастопалі, што зрабіла амаль немагчымымі ўдары беспілотнікамі. Тады Служба бяспекі Украіны прыдумала альтэрнатыву: закладка марскіх мін.

Донныя міны зробленыя з пластыка і важаць каля 400 фунтаў (180 кг). Іх цяжка выявіць, паколькі яны апускаюцца ў глей на мелкаводдзі.

Паводле інфармацыі амерыканскіх журналістаў, на працягу паўтара месяца профільная каманда СБУ адсочвала маршруты марскіх караблёў і цывільнага транспарту, перш чым адправіць дрон Sea Baby для ўсталявання дзвюх мін. 

Першы раз «эксперыментальная зброя» была ўжытая 14 верасня 2023 года, расказаў Іван Лукашэвіч, якога газета называе архітэктарам праграмы марскіх дронаў: адзін з іх даставіў міну на адлегласць больш чым 400 км і вярнуўся ў порт, а расійскі малы ракетны карабель «Самум», які выйшаў з Севастопальскай бухты, падарваўся на ёй, атрымаўшы прабоіну ў дно.

Карабель тады адбуксіравалі назад; у сеціва трапілі фота, на якіх відаць, што «Самум» рухаецца з нахілам на борт.

«Раней марскія дроны выкарыстоўваліся ў асноўным для разведкі і лагістыкі. Мы робім многія рэчы, якіх не рабіў яшчэ ніхто ў свеце», — гаворыць Лукашэвіч.

Паводле звестак сайта Oryx, які фіксуе дакументальна пацверджаныя страты тэхнікі ў вайне, Расія ўжо страціла 26 караблёў, з якіх 19 былі знішчаныя, а сем — пашкоджаныя

Каментары

Стала вядома пра арышт гісторыка Ігара Мельнікава16

Стала вядома пра арышт гісторыка Ігара Мельнікава

Усе навіны →
Усе навіны

«Калі б мне плацілі — сядзела б і чытала людзям кнігі, нават за малыя грошы». Інтэрв’ю з актрысай Зояй Белахвосцік2

У возеры Свіцязь забаранілі купацца. У чым прычына?1

Mercedes урэзаўся ў Fiat, а пасля збіў двух чалавек

Трамп стаў найстарэйшым кандыдатам на пасаду прэзідэнта ЗША ў гісторыі5

Мінск апынуўся ў топе самых танных гарадоў свету — за жыллё трэба плаціць у 10 разоў менш, чым у Нью-Ёрку7

Першыя праблемы беларусаў на Алімпіядзе ў Парыжы. Весляры ўжо там, а лодкі не прапусцілі 

Топавы амерыканскі часопіс спрагназаваў, колькі беларусы заваююць медалёў на Алімпіядзе. У расіян будзе нуль

Харыс заручылася дастатковай падтрымкай для вылучэння кандыдатам у прэзідэнты

«50 гадзін у апошняй дыктатуры Еўропы». У Беларусь прыехалі мегапапулярныя блогеры з ЗША і Канады — вось навошта17

больш чытаных навін
больш лайканых навін

Стала вядома пра арышт гісторыка Ігара Мельнікава16

Стала вядома пра арышт гісторыка Ігара Мельнікава

Галоўнае
Усе навіны →