Здарэнні22

У Італіі расследуюць смерць былой танцоўшчыцы з Беларусі

У Італіі расследуюць смерць 46-гадовай былой танцоўшчыцы з Беларусі Ганны Герасімчык. Яна была знойдзена мёртвай у сваёй кватэры недалёка ад Мілана 13 чэрвеня, аднак прычына смерці да гэтага часу застаецца загадкай, піша reform.news.

Ганна Герасімчык. Крыніца фота: repubblica.it

Цела жанчыны знайшоў на досвітку яе партнёр, 43-гадовы паляк К. Д. Праз некалькі дзён было праведзена анатаміраванне цела, але судова-медыцынская экспертыза аказалася недастатковай для канчатковага ўстанаўлення прычыны смерці.

Як пішуць італьянскія СМІ, жанчына магла памерці ад удушша, але неабходна дачакацца вынікаў таксікалагічнай і гісталагічнай экспертыз, каб устанавіць, ці памерла яна ад перадазіроўкі наркотыкаў, знойдзеных у доме, ці была задушана да смерці. Расследаваннем займаюцца карабінеры, якія знайшлі на яе целе сінякі, але не знайшлі смяротных пашкоджанняў. 

Яе партнёр, які працуе дальнабойшчыкам, расказаў, што два папярэднія дні быў у камандзіроўцы, але перад адʼездам яны пасварыліся. Паводле наяўных звестак, зараз працягваецца расследаванне ў дачыненні да невядомых асоб. 

Як піша Fanpage.it, Ганна жыла ў двухпакаёвай кватэры ў Пацуола Мартэзана з 2021 года і ўжо даўно не выходзіла з дому. Яе сяброўка расказала следчым, што жанчына часта сварылася са сваім партнёрам. Паводле яе слоў, цяпер «ён кажа, што страціў сэнс жыцця» і, прынамсі на дадзены момант, не знаходзіцца пад следствам.

Скрыншот відэа RaiPlay

«Я ведала, што яны робяць іншым жыхарам непрыемнасці з гэтай прычыны», — распавяла аб сварках жанчына, якая жыве ў суседнім доме. 

«Гэта былі эпізоды, якія можна было пачуць, — дадае пара з таго ж дома, — пару разоў у справу ўмешваліся карабінеры». 

Ганна, аднак, ніколі не падавала скарг у паліцыю, а самі карабінеры пацвердзілі выданню, што за тры гады яны былі ў доме двойчы, адзін раз па выкліку іншых жыхароў дома, іншы раз — самога К.Д. 

Следчыя рэканструявалі апошнія месяцы жыцця жанчыны. У апошнія гады 46-гадовая жанчына нібыта ўпала ў цяжкую дэпрэсію. Сябар пацвердзіў, што «апошнім часам яна стала хікікаморы». 

«Яна нават не выходзіла на вуліцу, каб выкінуць смецце», — сцвярджае яе сяброўка.

Скрыншот відэа RaiPlay

Аднак мясцовыя жыхары знаёмыя з яе партнёрам. 

«Ён часта прыходзіў сюды выпіць піва, мы размаўлялі пра тое, пра гэта, але ён быў вельмі стрыманы што тычыцца асабістага жыцця. Мы ведалі толькі, што ў яго ёсць дзяўчына, але ніколі яе не бачылі», — кажуць наведвальнікі бара. 

Па словах сяброўкі, беларуска 10 гадоў выступала ў начных клубах. Яшчэ ў Мінску яна пазнаёмілася з калумбійскім горным інжынерам і два гады жыла з ягонай сямʼёй у Паўднёвай Амерыцы. Затым, вярнуўшыся дадому, яна вырашыла зʼехаць за іншым хлопцам у Італію, які, аднак, неўзабаве сышоў ад яе. 

Смерць Герасімчык расследуюць карабінеры і следчы аддзел. Тыя, хто яе ведаў, спадзяюцца, што «яна не наклала на сябе рукі». Аднак сяброўка былой танцоркі ўспамінае, як у студзені тая намякала на падобныя думкі: 

«Няма ўпэўненасці, што заўтра раніцай я буду жывая», — сказала яна мне пасля цэлага дня спрэчак па тэлефоне. Але размова так і не аднавілася», — распавяла яна. 

Паводле інфармацыі рэсурсу, К.Д., які пакуль не знаходзіцца пад следствам, як мяркуецца, пераехаў да сваякоў.

Каментары2

  • EMIL
    23.06.2024
    Печально, когда умирают такие молодые.А если убили, то это вообще горе.
  • ром
    23.06.2024
    Паляцы любять беларусак))

«Аказваецца, і на тым баку ёсць людзі». Маці Івана Падрэза ўсё ж не высяляюць

«Аказваецца, і на тым баку ёсць людзі». Маці Івана Падрэза ўсё ж не высяляюць

Усе навіны →
Усе навіны

У якіх раёнах Беларусі найніжэйшыя заробкі?

Ураган ударыў па выставе МУС у цэнтры Віцебска — вецер раскідаў намёты ВІДЭА4

«Калектыўны Захад цяпер крэпасць». Гігін даводзіць, што «глабальная большасць» адправіла Захад у ізаляцыю10

«Ты русский язык понимаешь?» Мужчына на возеры ўгаворваў лебедзя аддаць яму лаўку ВІДЭА4

Адчуюць на сабе не толькі чаўнакі і перагоншчыкі. Як новыя абмежаванні ад ЕС адаб'юцца на простых беларусах15

Маркаў заклікаў замясціць YouTube, Telegram, Instagram і TikTok беларуска-расійскімі сацсеткамі13

Абноўлены «Белсат» спыніць вяшчанне праз спадарожнік?13

З міжнароднай версіі «Яндэкс Картаў» прыбралі беларускую мову9

У цэнтры Мінска з'явілася астуджальная арка ВІДЭА

больш чытаных навін
больш лайканых навін

«Аказваецца, і на тым баку ёсць людзі». Маці Івана Падрэза ўсё ж не высяляюць

«Аказваецца, і на тым баку ёсць людзі». Маці Івана Падрэза ўсё ж не высяляюць

Галоўнае
Усе навіны →