Бацькі гэтага 21-гадовага форварда зборнай Іспаніі пешкі перайшлі Сахару, каб выратавацца ад вайны
У матчы Іспанія — Італія Ніка Уільямс быў прызнаны найлепшым гульцом.
У Ніка ёсць старэйшы на восем гадоў брат Ін'які, і яны разам гуляюць за «Атлетык» з Більбаа з Краіны баскаў, але выступаюць за розныя зборныя. Ін'які — форвард зборнай Ганы, а Ніка — новая зорачка Іспаніі.
«Мы вельмі блізкія. Я строга выхоўваю яго. Ніка хутка прымае мае парады, не капрызнічае і шмат працуе. Хоць у нашым доме кіруе матрыярхат. Слова мамы — закон», — казаў Іньякі два гады таму.
Бацькам братоў прыйшлося перайсці Сахару пешшу, каб трапіць у Іспанію.
«Мае бацькі — з Ганы. І яны прайшлі палову Афрыкі, каб дабрацца да Мелільі [іспанскі горад на поўначы Афрыкі — НН]. Яны літаральна прайшлі ўвесь гэты шлях пешшу», — расказваў Іньякі.
Бацькі Уільямсаў сустрэліся ў лагеры для бежанцаў у сталіцы Ганы Акры — яны беглі ад грамадзянскай вайны ў Ліберыі. Ад Акры да Мелільі — больш за чатыры тысячы кіламетраў і велізарная пустыня Сахара.
«Шчыра кажучы, мой тата з таго часу наогул страціў адчувальнасць падэшваў стоп. Мама перанесла шмат усяго, але яна моцная жанчына. Яна распавяла мне, што многія іх спадарожнікі не перанеслі гэтае выпрабаванне — і іх прыйшлося хаваць проста ў пустыні», — казаў Іньякі.
Часам бацькі ўсё ж ехалі ў фургоне — у яго набівалася па 40 чалавек. Яшчэ маці распавядала пра рабаўнікоў, якія абкрадалі людзей, якія былі на шляху ў Іспанію ці ў іншыя краіны дзеля мары аб лепшым жыцці. З імі ім таксама давялося сутыкнуцца».
Бацькі Уільямса перасеклі мяжу з Іспаніяй — і трапілі ў турму. Але там моцна пашанцавала — да іх прыйшоў адвакат, які стаў на іх бок і сказаў: «парвіце дакументы і скажыце, што вы бяжыце ад вайны. Яны не маюць права адмовіць».
Усё прайшло паспяхова: будучых маму і тату братоў-футбалістаў зарэгістравалі як ваенных бежанцаў з Ліберыі — і гэты ж юрыст адправіў іх да знаёмых з сацыяльных службаў Більбаа. У інтэрв'ю Іньякі часта прызнаваўся, што спрабаваў адшукаць яго, але бацькі нічога пра юрыста не памятаюць.
У Більбаа сямейства Уільямсаў прынялі цёпла. Іх сустрэў мясцовы святар: ён і прытуліў уцекачоў. Яго звалі Іньякі Мардонес — свайго старэйшага сына назвалі якраз у гонар Мардонеса, які і зусім стаў хросным бацькам старэйшага брата.
«Мы да гэтага часу рэгулярна кантактуем з ім, я езджу да яго ў госці. Мы гаворым пра жыццё. Праўда, часам ён надоўга знікае ў Афрыцы — займаецца там валанцёрскай працай», — успамінае Іньякі. Свет не без добрых людзей.
Іспанія датэрмінова забяспечыла сабе месца ў плэй-оф. У апошнім туры групавога раўнду «чырвоная фурыя» згуляе з Албаніяй.
У Баранавічах арыштавалі сем былых работнікаў закрытай незалежнай газеты «Інтэкс-Прэс»1
Каментары