Эканоміка11

У «Вострава чысціні» засталося толькі 109 крам. А некалі іх было 600

З пачатку года паступова скарачаецца колькасць магазінаў бытавой хіміі, сродкаў гігіены і парфумерыі «Востраў чысціні і смаку». Дынаміка гэтага працэсу насіла нераўнамерны характар, але апошнія тыдні тэмпы закрыццяў зноў паскорыліся, піша Office Life.

Адна з крам «Вострава чысціні і смаку» ў лепшыя для сеткі часы

Цяпер на сайце рэтэйлера пазначаныя 109 дзейных гандлёвых аб'ектаў. Пры гэтым амаль палова крам знаходзіцца ў Мінску і Мінскай вобласці. У Гомельскай вобласці знойдзена 16 гандлёвых пунктаў, у Віцебскай — 14, у Гродзенскай — 8, у Магілёўскай — 6.

У лютым 2024 года заснавальнік групы кампаній «Ромакс» Віктар Рамук заяўляў пра жаданне вярнуць колькасць крам «Востраў чысціні і смаку» да ранейшай колькасці — 600 аб'ектаў. На той момант іх было каля 480. То-бок усяго за 4 месяцы колькасць гандлёвых аб'ектаў сеткі «ўсохла» ў 4,4 разу.

Бізнэсмэн звязваў «аптымізацыю сеткі» з эканомікай кампаніі. Пры гэтым Рамук прызнаўся, што купля сеткі аптэк «не дала патрэбнага эфекту і пагоршыла фінансавы стан кампаніі ў цэлым». Акрамя таго, многія пастаўшчыкі змянілі форму аплаты і перавялі рэтэйлера на перадаплату.

У выніку было вырашана захаваць прысутнасць сеткі ва ўсіх гарадах, але гандлёвыя пункты, якія былі блізка адзін ад аднаго, закрылі.

У красавіку заснавальнік ГК «Ромакс» сцвярджаў, што кампаніі ўдалося рэструктурызаваць крэдыторскую запазычанасць, знайсці расійскага бізнэс-партнёра для развіцця сеткі «Востраў чысціні і смаку» і купца на фармацэўтычны бізнэс. Аднак ужо ў маі стала вядома, што адразу пяць юрыдычных асоб, якія ўваходзяць у перыметр інтарэсаў групы кампаній «Ромакс» і звязаныя з сеткай «Востраў чысціні і смаку», ліквідуюцца.

Падзеі, якія адбываюцца, змянілі расклад сіл у гэтым сегменце рынку. У асноўнага канкурэнта «Вострава чысціні і смаку» — сеткі «Міла» — цяпер 563 гандлёвыя аб'екты. На беларускі рынак выходзяць расійскія аператары. Плюс умацавалі пазіцыі маркетплейсы і буйныя прадуктовыя рэтэйлеры, якія прапануюць шырокі выбар бытавой хіміі і сродкаў гігіены.

Каментары1

  • даведка
    21.06.2024
    В аптеках их сети «Остров здоровья» были самые низкие цены на белорусские и импортные лекарства.

Што вядома пра грамадзяніна Германіі Рыка Крыгера, якому ў Беларусі прысудзілі расстрэл22

Што вядома пра грамадзяніна Германіі Рыка Крыгера, якому ў Беларусі прысудзілі расстрэл

Усе навіны →
Усе навіны

Чарга легкавых аўто на ўезд у Польшчу з Беларусі павялічылася ў чатыры разы4

Юрый Чыж пайшоў у расійскі суд, каб пазмагацца за свой малаказавод у Геленджыку

Як трансгендар абваліў продажы самага папулярнага амерыканскага піва14

Ілан Маск жорстка высмеяў Microsoft за глабальны IT-збой5

Святлана Ціханоўская сустрэлася з Віктарам Орбанам23

Не рабіце гэтую памылку ў захоўванні хлеба5

Назіраецца маштабны збой электронікі па ўсім свеце. Аэрапорты адмяняюць палёты13

Калабаранты з Запарожскай вобласці выдаюць сустрэчу з прамаскоўскім беларускім актывістам Лушчом за афіцыйны візіт1

За два з паловай гады на мяжы Беларусі і ЕС загінулі 126 мігрантаў2

больш чытаных навін
больш лайканых навін

Што вядома пра грамадзяніна Германіі Рыка Крыгера, якому ў Беларусі прысудзілі расстрэл22

Што вядома пра грамадзяніна Германіі Рыка Крыгера, якому ў Беларусі прысудзілі расстрэл

Галоўнае
Усе навіны →