У Чачэрску малююць графіці з сярпом, молатам і пяціканцовай зоркай
Выкананае ў савецкім стылі графіці зойме сцяну дома на вуліцы Савецкай у Чачэрску і будзе прысвечанае гадавіне вызвалення Беларусі ад нямецкай акупацыі ў 1944 годзе, піша выданне «Штодзень».
На мурале будуць выяўленыя ўраджэнцы Гомеля браты Лізюковы: Аляксандр, Пётр і Яўген. Яны ваявалі падчас Другой сусветнай вайны ў Чырвонай арміі і загінулі далёка ад роднай зямлі. Аляксандр і Пётр Лізюковы былі ўганараваныя звання Герояў Савецкага Саюза, усім траім братам паставілі помнік у Гомелі.
Пакуль што праца знаходзіцца на стадыі эскізу, мастак прамалёўвае дэталі. Але ўжо відавочна, што там будуць усе атрыбуты, характэрныя для савецкага мастацтва: чырвоны колер, серп і молат, пяціканцовая зорка, а таксама агульная стылістыка.
«На працягу 30 гадоў незалежнасці беларускамоўныя бюлетэні задавальнялі ўсіх». Камуністы абвінавацілі Бондараву ў распальванні варожасці на моўнай глебе1414
Каментары