Грамадства88

«Адна з самых складаных эвакуацый апошняга часу». З Беларусі выехаў праваабаронца Аляксандр Рамановіч

Пра эвакуацыю з Беларусі пінскага праваабаронцы і грамадскага актывіста Аляксандра Рамановіча паведаміў кіраўнік фонду салідарнасці «Байсол» Андрэй Стрыжак, адзначыўшы, што «гэта быў адзін з самых складаных эвакаў апошняга часу». 

Аляксандр Рамановіч. Фота: Байсол

Аляксандр Рамановіч пачынаючы з 2003 года актыўна ўдзельнічаў у перадвыбарных кампаніях у Беларусі: быў назіральнікам, сябрам участковай камісіі і кандыдатам у дэпутаты розных узроўняў. З 2007 года быў сябрам партыі БНФ і руху «За Свабоду». 

У 2020 годзе ўдзельнічаў у шматлікіх мірных акцыях пратэсту супраць фальсіфікацыі вынікаў выбараў. Аказваў прававую дапамогу людзям, якія сутыкнуліся з пераследам: кансультаваў, рыхтаваў да судовых працэсаў. Наведваў судовыя пасяджэнні па палітычных працэсах і падтрымліваў людзей аж да апошняга затрымання ў 2024 годзе.

Агулам з 2020 па 2024 год Рамановіч прыцягваўся да адміністрацыйнай адказнасці 7 разоў, перажыў некалькі ператрусаў.

У сакавіку 2024 года раніцай, выламаўшы дзверы ў хаце, да яго ўварваліся супрацоўнікі ГУБАЗіК з сілавікамі «Шторму» і брутальна затрымалі. Напярэдадні была заведзеная чарговая крымінальная справа супраць праваабарончага цэнтру «Вясна», і сілавікі шукалі сувязь паміж ім i Рамановічам. Аднак неўзабаве яму прызначылі дату суда і адпусцілі дадому.

Праз некалькі дзён у сябе на тэлефоне праваабаронца выявіў усталяваную шпіёнскую праграму, замаскаваную пад «сістэмныя наладкі» з шырокім доступам да ўсіх функцый тэлефона: камеры, мікрафона, месцазнаходжання, файлаў і г.д. Калі ён выдаліў яе, яго зноў затрымалі і арыштавалі на 15 сутак.

Пасля гэтага, не чакаючы чарговага арышту, Рамановіч тэрмінова з'ехаў з Беларусі.

Цяпер ён знаходзіцца ў Польшчы, для яго падтрымкі абвешчаны дабрачынны збор на платформе «Байсол».

Каментары8

  • Усе
    18.06.2024
    хто знаходзіцца пад пільным каўпаком беларускіх спецслужб, можа трапіць за мяжу толькі праз іх дазвол і па іх заданні.
  • Кент
    18.06.2024
    Усе, кепачку з фольгі надзеньце))
  • Смешна
    18.06.2024
    [Рэд. выдалена]

Чаму ў Мазыры амаль двое сутак не маглі аднавіць электразабеспячэнне? І пры чым тут вайна4

Чаму ў Мазыры амаль двое сутак не маглі аднавіць электразабеспячэнне? І пры чым тут вайна

Усе навіны →
Усе навіны

Некаторыя беларусы сустракалі ўчарашні ўраган, купаючыся ў возеры ВІДЭА

Змітра Дашкевіча будуць судзіць па новай крымінальнай справе ўжо на гэтым тыдні7

Латушка: Я магу баяцца піць ваду ці каву ў грамадскіх месцах13

Каля мяжы Польшчы з Беларуссю агрэсіўная моладзь атакавала польскіх вайскоўцаў ВІДЭА27

18-гадовага хлопца з Быхава судзяць за «здраду дзяржаве»9

У Беларусі не будуць рэагаваць на ўвядзенне Латвіяй забароны ўезду для беларускіх аўтамабіляў4

У Гродне збіраюцца правесці «своеасаблівы вальс» БТР-аў1

Лябедзька: Беларуская мова павінна стаць адзінай дзяржаўнай. Але трэба закласці пераходны перыяд20

Дзякуючы ўрагану ў Гомелі зрабілі навуковае адкрыццё3

больш чытаных навін
больш лайканых навін

Чаму ў Мазыры амаль двое сутак не маглі аднавіць электразабеспячэнне? І пры чым тут вайна4

Чаму ў Мазыры амаль двое сутак не маглі аднавіць электразабеспячэнне? І пры чым тут вайна

Галоўнае
Усе навіны →