Меркаванні1212

Ці рыхтуе Лукашэнка пераемнікам Колю?

У новым выпуску ТОКу гісторык і аналітык Аляксандр Фрыдман выказаў свой погляд на лёс малодшага сына палітыка.

Мікалай Лукашэнка падчас візіту ў Манголію, чэрвень 2024. Скрыншот з Пула первого

Калі ўявіць, што Лукашэнка рашыўся б на транзіт улады ад бацькі да сына, то найбольш імаверным пераемнікам стаў бы Мікалай, разважае Фрыдман.

«У яго толькі адна магчымасць — гэта Мікалай, асабісты яго праект. Ён атрымлівае добрую адукацыю, вывучае замежныя мовы, шмат з Лукашэнкам ездзіць. Гэта яго сапраўдны праект».

@tokbelarus Ці можна перамагчы дыктатуру мірнымі пратэстамі ў 21 стагоддзі? Разважае Фрыдман #политика #беларусь #беларусьновости #новостибеларуси #лукашенко ♬ snowfall (Sped Up) - Øneheart & reidenshi

Але малодшы сын яшчэ вельмі малады для перадачы ўлады. У той жа час, заўважае аналітык, сам Лукашэнка не ўпэўнены ў тым, што гэтага хоча Мікалай.

Фрыдман называе Мікалая самым надзейным для Лукашэнкі варыянтам:

«Адносіны паміж бацькамі і дзецьмі бываюць розныя. Але што тычыцца асабістай бяспекі і гарантый таго, што курс будзе працягваецца, то тут шанцы самыя вялікія нават у параўнанні з тымі, хто ўдзельнічае ў стварэнні культу Лукашэнкі».

Аналітык не ўпэўнены, што нават такі вонкава цалкам адданы Лукашэнку чалавек, як Наталля Качанава, у выпадку прыходу да ўлады цалкам працягне яго курс.

На пытанне, чаму Мікалай, чалавек новага пакалення, будзе цалкам трымацца палітыкі бацькі, Фрыдман заўважыў, што тая сацыялізацыя, якую ён атрымлівае, і траекторыя, па якой яго рухае Лукашэнка, не гаворыць пра тое, што ў Мікалая могуць быць нейкія дэмакратычныя погляды. Аналітык нагадвае, што Лукашэнка сам праводзіў з Мікалаем шмат часу, таму можна ўявіць, што той знаходзіцца пад вельмі значным уплывам бацькі.

Фрыдман у якасці гістарычнага прыкладу прывёў прэзідэнта Сірыі Башара Асада. Асад-старэйшы планаваў у якасці свайго пераемніка на пасадзе прэзідэнта старэйшага сына, брата Башара. Малодшаму сыну бацька дазволіў займацца тым, чым ён хоча.

Той атрымаў адукацыю афтальмолага ў Вялікабрытаніі. Але пасля заўчаснай смерці старэйшага брата Башара ў аўтакатастрофе бацька адклікаў Башара з Лондана і пачаў хуткімі тэмпамі рыхтаваць яго ў свае пераемнікі.

Пасля смерці бацькі, адзначае гісторык, Асад-малодшы шмат у чым працягнуў курс свайго бацькі. «Зразумела, што гэта не ідэнтычна. Але пераемнасць захавалася».

Але на сённяшні момант, заўважае Фрыдман, нічога не сведчыць аб тым, што Лукашэнка хацеў бы зрабіць з Мікалая будучага кіраўніка краіны.

«Лукашэнка, ведаючы, што гэта яго сын, і думаючы аб тым, каб той быў шчаслівым, магчыма, не жадае так актыўна яго прыцягваць», — разважае аналітык.

Але сітуацыя можа змяніцца ў будучым і вымусіць Лукашэнку пайсці на такі варыянт.

«Ёсць адзін фактар, які мы павінны пры нашых разважаннях улічваць. Лукашэнка — дыктатар, але ён даўно ўжо не малады дыктатар. Чалавек ужо ў сталым узросце. Ён не робіцца маладзейшым і здаравейшым. (…) Узнікнуць сур'ёзныя праблемы, і Лукашэнка не зможа выконваць сур'ёзныя абавязкі. Яму трэба будзе тэрмінова шукаць варыянты.

На дадзены момант па-ранейшаму такіх варыянтаў няма. Такога відавочнага плана Б на тую сітуацыю, калі ён не ў стане будзе кіраваць, у Лукашэнкі няма. І ён не хоча нават пра гэта разважаць».

Глядзіце цалкам:

Каментары12

  • Гражданин РБ
    18.06.2024
    А мне нравится Коля. Как минимум он красивей бати раз в 10
  • Смешныя вы ўсе
    18.06.2024
    Як масква скажа так і будзе, каго паставіць сюды, той і будзе кіраваць.
  • Лейцар коркавы
    18.06.2024
    Гішпанскі Франка таксама лічыў свайго сына прадаўжальнікам, але той зрабіў усё інакш.

«Бл*дарусы — нацыя здраднікаў і паразітаў». Z-каналы ў шаленстве ад рашэння Лукашэнкі адвесці войскі ад Украіны

«Бл*дарусы — нацыя здраднікаў і паразітаў». Z-каналы ў шаленстве ад рашэння Лукашэнкі адвесці войскі ад Украіны

Усе навіны →
Усе навіны

Гэты карлікавы кот з сарамлівым выглядам стаў новай зоркай сацсетак5

У гатэлі Бангкока знойдзены мёртвымі шэсць грамадзян В'етнама1

Названы свежы медыянны заробак. І ён намнога меншы за сярэдні

Высветлілася, што пад Масквой патануў кіраўнік дэлегацыі вайскоўцаў КНДР

Рабочаму з Баранавічаў далі год за лайкі пад карыкатурамі на Лукашэнку. Цяпер пагражае яшчэ да 12 гадоў3

Замах на Дональда Трампа планаваў Іран — CNN12

Мінэнерга паведаміла пра аднаўленне электразабеспячэння Мазыра1

Мазырская вертыкальшчыца далажыла пра аднаўленне водазабеспячэння. У каментарах ёй пярэчаць

Ад сёння Літва мае намер увесці абмежаванні на ўезд аўто з беларускімі нумарамі31

больш чытаных навін
больш лайканых навін

«Бл*дарусы — нацыя здраднікаў і паразітаў». Z-каналы ў шаленстве ад рашэння Лукашэнкі адвесці войскі ад Украіны

«Бл*дарусы — нацыя здраднікаў і паразітаў». Z-каналы ў шаленстве ад рашэння Лукашэнкі адвесці войскі ад Украіны

Галоўнае
Усе навіны →