Гандальф з «Валадара пярсцёнкаў», 85-гадовы Іан Маккелен зваліўся са сцэны ў Лондане падчас спектакля
Акцёр быў шпіталізаваны, але хутка ідзе на папраўку.
85-гадовы брытанскі акцёр сэр Іан Маккелен у панядзелак увечары ўпаў са сцэны падчас спектакля Player Kings у адным з цэнтральных тэатраў Лондана, піша Бі-бі-сі.
Маккелен выконваў адну з роляў у спектаклі паводле п'есы Уільяма Шэкспіра і спатыкнуўся падчас сцэны сутычкі. Ён страціў раўнавагу і ўпаў з вышыні.
Па словах відавочцаў, усё адбылося так хутка, што спачатку гледачы падумалі, што гэта частка паказу. Але акцёр закрычаў ад болю, і тады супрацоўнікі тэатра кінуліся яму на дапамогу.
У глядзельнай зале былі два дактары, якія таксама дапамаглі сэру Іэну, пакуль ехала хуткая дапамога.
Спектакль быў спынены, акцёра павезлі ў шпіталь, дзе ён прайшоў неабходныя тэсты і рэнтген. Па словах дактароў, сэр Іан павінен хутка паправіцца.
«Ён у добрым гуморы», — заявіў у аўторак агент акцёра.
Чакаецца, што ён зноў выйдзе на сцэну ўжо ў гэтую сераду.
Дзмітрыеў просіць вярнуць паслоў у Мінск. «Санкцыі б’юць па людзях, а не па ўладзе»5
Дзмітрыеў просіць вярнуць паслоў у Мінск. «Санкцыі б’юць па людзях, а не па ўладзе»
«Тое, што хтосьці сядзіць за палітыку, з'яўляецца часткай пейзажу». Беларуска, якая наведала радзіму пасля доўгага перапынку, падзялілася ўражаннямі99
Каментары